Внимателно избирајте ги вашите зборови и бидете сочувствителни. Децата треба да знаат дека секој прави грешки, но дека сепак ги сакате, дури и кога не ви се допаѓа како се однесуваат.

Зголемете ја самодовербата на детето

Децата го апсорбираат тонот на гласот, говорот на телото и секој израз на лицето на нивните родители. Вашите зборови и постапки како родител влијаат врз нивното развивање на самодовербата. Нека ги прават работите независно. Ова ќе направи да се чувствуваат способни. Не споредувајте ги со другите бидејќи така само ќе се чувствуваат безвредни.

Пофалете ги кога прават нешто добро

Дали некогаш сте размислувале за тоа колку пати реагирате негативно на вашите деца во даден ден? Можеби многу почесто критикувате отколку што давате комплименти. Поефективен пристап е да забележите кога ќе направат нешто како што треба: „Сте го наместиле креветот без никој да ви каже, па тоа е одлично“. Ваквите изјави ќе придонесат повеќе за добро однесување на долг рок. Секој ден најдете нешто за што ќе го пофалите детето.

Поставете граници и бидете доследни на вашата дисциплина

Дисциплината е од суштинско значење во секое домаќинство. Целта на дисциплината е да им помогне на децата да изберат прифатливо однесување и да научат самоконтрола. Ним им требаат граници за да прераснат во одговорни возрасни луѓе. Воспоставувањето куќни правила им помага на децата да ги разберат вашите очекувања и да развијат самоконтрола. Некои правила може да вклучуваат: нема ТВ додека не се заврши домашната задача, нема цртани филмови додека не се стават сите играчки на своето место.

Најдете време за вашите деца

Станете 10 минути порано наутро за да можете да појадувате со вашето дете или прошетајте со него по вечерата. Децата што не го добиваат вниманието што го сакаат од родителите често се однесуваат лошо бидејќи на тој начин сигурно ќе бидат забележани. Многу родители сметаат дека е корисно да планираат време заедно со своите деца. Дизајнирајте „специјална ноќ“ секоја недела за да бидете заедно и оставете ги вашите деца да одлучат како ќе го поминуваат времето со вас.

Бидете добар модел

Малите деца учат многу за тоа како да се однесуваат гледајќи ги своите родители. Колку се помлади, толку повеќе ги слушаат родителите. Пред да одмавнете со главата или да почнете да кажувате пцости пред децата, размислете: дали сакате вашето дете да се однесува така кога е луто? Бидете свесни дека вашите деца постојано ве набљудуваат.

Поставете ја комуникацијата како приоритет

Не можете да очекувате децата да прават сè само затоа што вие како родител „така сте рекле“. Тие сакаат и заслужуваат објаснувања исто како и возрасните. Ако не одвоите време да им објасните, децата ќе почнат да ги преиспитуваат вредностите и мотивите и дали тие имаат некаква основа. Родителите што ги разбираат своите деца им дозволуваат да разберат и да учат на начин без осудување. Направете ги вашите очекувања јасни. Ако има проблем, опишете го, изразете ги вашите чувства и поканете ги децата да работат со вас на решение.

Бидете спремни да го приспособите вашиот стил на родителство

Ако често се чувствувате „изневерени“ од однесувањето на вашето дете, можеби имате нереални очекувања. Околината на децата влијае врз нивното однесување, па вие би можеле да го промените тоа однесување со менување на околината. Ако постојано му велите „не“ на вашето 2-годишно дете, побарајте начин да ја промените околината за помалку работи да бидат забранети. Ова ќе предизвика помалку фрустрации за двајцата.

Покажете дека вашата љубов е безусловна

Како родител, вие сте одговорни да ги поправате и водите вашите деца. Но, начинот на кој го изразувате вашето водство прави голема разлика во тоа како вашето дете го восприема. Кога треба да се соочите со вашето дете, избегнувајте критикување или наоѓање вина, што ја нарушува самодовербата и може да доведе до лутина. Наместо тоа, обидете се да ги негувате и охрабрувате, дури и кога ги дисциплинирате вашите деца.

Знајте ги вашите потреби и ограничувања како родител

И вие како родител имате силни и слаби страни. Препознајте ги вашите силни страни и обидете се да работите на вашите слабости. Обидете се да имате реални очекувања за себе, вашиот партнер и вашите деца. Не мора да ги имате сите одговори, простете си. Фокусирајте се на областите на кои им треба најмногу внимание наместо да се обидувате да се справите со сè одеднаш.

Извор