Засрамувачки дамки на вашата маица, душкање на нечиј задник за проверка дали „завршил работа“, првиот секс по породувањето… животот на една млада мајка се превртува наопаку. Оваа цртана серија ги визуализира ситуациите во кои ќе се пронајдат сите млади мајки.

Илустраторите Ингебрит тер Велд и Корин де Вриес имале бебиња во речиси ист период. Нивните бремености и првите месеци како мајки биле инспирација за нивните цртежи.

Како млади мајки ќе се пронајдете во овие ситуации, низ кои поминува секоја од вас во текот на бременоста и по породувањето – меѓутоа, за голем дел од овие искуства никогаш не се зборува. Со серијата цртежи под наслов „#thingsonlymomsknow”, Ингебрит и Корин сакаат да ја отсликаат реалноста на мајчинството со сите (понекогаш буквално) болни, смешни и сакани моменти.