Викторија Бекам покажува како всушност изгледа празничното семејно фотографирање
Празничните фотографии се нешто најубаво што во последно време го среќаваме на социјалните мрежи. Насмеани семејства, обично под елката, убава трпеза и топла напивка во рацете.
Сепак, излегува дека е прилично тешка и исцрпна работа сите членови на семејството да се на исто место, со насмевка на лицето. Така, и Викторија Бекам се борела со своите четири деца и домашните миленичиња за сите да се соберат на едно место. Токму затоа, Викторија одлучила да го сподели видеото за на сите да им биде јасно дека фотографирањето е навистина исцрпувачка работа за родителите.
– Фотографирањето никогаш не успева со децата и миленичињата – напиша таа на својот инстаграм-профил.
Во текот на фотографирањето Бруклин, Ромео, Круз и Харпер Севн се обидуваат да се соберат околу елката.
– Сигурно не сакаш да облечеш панталони? – го прашува Викторија најстариот син, кој одлучил да позира во шорцови.
На крајот успешно направиле семејна честитка. Но, мајката не можела да одолее, а да не направи шега, па малку ги едитирала фотографиите.
