Дани Круик сакала да им покаже на сите мајки дека ништо не е тешко ако имате добра организација и воспоставен ритам. Таа на платформата „Тик-ток“ покажала како изгледаат 24 часа поминати со нејзината тројка и со постарата ќерка Били.

Нејзиниот ден почнува во 5:30, кога бебињата се будат за првото хранење. Потоа спијат уште малку, а Дани го има првото измолзување, кое го прави уште седум пати на ден. Додека нејзините бебиња спијат, таа ја користи можноста да ги подготви нивните шишиња и да заврши некои задачи пред да бидат подготвени за следното хранење во 8:30 часот.

Дани потоа работи уште малку и си игра со своето постаро дете, тригодишната ќерка Били. Во 11:30 тројката е спремна за повеќе млеко. По второто молзење, семејството оди на прошетка до 14:30 часот кога се служи новиот оброк. Бебињата потоа се враќаат на спиење, а потоа следува игра.

Мајката ги капе децата, а во 17:30 часот повторно ги храни. Бебињата потоа одат на спиење, а во 20:30 и 23:30 се будат за уште едно хранење. Дани се буди и се обидува да спие барем малку, а нејзиниот сопруг се грижи за ноќното хранење во 2:30 часот.

„Заборавив да го споменам менувањето пелени, подготвувањето оброци за семејството, рутината на Били пред спиење и уште 1.000 работи, но ја разбирате идејата“, напишала Дани.

@danicruik Forgot to mention nappy changes, preparing meals for the family, Billie’s bedtime routine and 1,000 other things but you get the idea #tripletfamily #tripletmum #tripletsoftiktok ♬ BARELY BREATHING – Grant Averill

Луѓето признале дека биле исцрпени само што го гледале видеото. „Искрено, уморна сум само да гледам“, „Се надевам дека имаш некој да ти помогне“, „Ти си суперѕвезда“, напишале многу мајки кои ја поддржале во коментарите.

Автор: Сандра Крстановиќ

Извор