Видео: Деца-херои со камења оградиле отворена шахта
Отворени шахти може да резултираат со несреќа. Тоа добро го знаат момчето и девојчето кои враќајќи се од училиште, направиле гест поради кој се наречени херои.
Децата на околу 12 години наишле на отворена шахта и веднаш нашле решение за проблемот.
You are never too young to make a difference. pic.twitter.com/jZ95Hj7N5e
— Awanish Sharan (@AwanishSharan) December 5, 2022
Момчето со прстот покажува на страната на девојчето. Тие исчезнуваат од снимката, а потоа се враќаат со големи камења. Ги ставаат во близина на отворената шахта. И покрај тешките торби што ги носат на грб, одат да земат уште еден камен. Вака поставените камења служеле како предупредување за автомобилите што доаѓале.
„Никогаш не си премногу млад за да направиш разлика“, напишал Аваниш Шаран, кој го споделил видеото на „Твитер“.
Откако го погледнале, многу луѓе им аплаудирале на децата и ги нарекуваат херои и им честитаат на родителите за нивното воспитување.
