Сигурно сите родители слушнале за популарната играчка попит. Децата ја обожуваат, а еве што вели за неа воспитувачката и физиотерапевт Билјана Ристиќ од Србија.

– Кога првпат ја видов таа играчка, помислив дека е тотална глупост и дека тоа апсолутно не може да му биде корисно на дете. Кога малку подлабоко ја истражив и кога видов кои можности постојат и што може да се вежба, сфатив дека е корисна – вели Билјана и ги објаснила сите начини на кои оваа играчка може да биде многу креативна и корисна за децата.

– Децата може да се натпреваруваат, на пример, кое дете прво ќе ги испука сите точки со жолта боја, сите со зелена боја итн.

Таа предлага и варијанта на детето да му понудите дрвени или пом-пом топки, што и да имате дома. Детето ги зема со пинцета топките и ги реди боја на боја. Во исто време се учат боите и се вежба фината моторика. Можеме да му дадеме на детето задача да го користи само малиот прст и палецот и слично. Можеме, исто така, да ставаме вода во епрувети и да ги обоиме со различни бои. Тогаш можеме да им дадеме задача да истураат боја на боја – предлага Билјана. Можеме и да сокриеме џамлија под некоја површина, да го пуштиме детето да ја бара додека не погоди каде се наоѓа. Така децата меѓусебно се натпреваруваат.

Таа предложила уште една интересна игра. Можеме, на пример, и да фрламе коцка, па ако детето добие број 2 и виолетово, на пример, треба да кликне 2 виолетови полиња. Идејата е многу интересна и играчката всушност може да биде многу корисна.

Дури и логопедите и дефектолозите рекле дека ја користат во својата работа, додава Билјана.

Извор