Ако постои нешто за кое можат да се согласат сите родители, тоа е дека мајчинството е работа со полно работно време. Толку многу што може дури и да го пополните целото ваше CV со вештини што сте ги стекнале и научиле за време на оваа улога. Една мајка го докажа токму тоа.
Сиднеј Вилијамс, директорка за маркетинг на брендови во компанијата „Џи-и“ и мајка на две момчиња под три години, го обновила нејзиното CV користејќи ги само вештините што ги научила како мајка. Нејзиното „мајчинско CV“ не е уникатно, но е нешто што мора да се види.
– Како и многу други, неверојатно сум потресена од тоа како пандемијата ги уништува жените што работат – особено мајките. Не се сомневам дека мајките поседуваат многу повеќе вештини што ги бараме од нашите тимови, колеги и лидери – вели таа.
Под нејзиниот дел „За мене“ на социјалната мрежа „Линкдин“, таа детално го опишува нејзиниот поширок живот како мајка на две мали деца и накратко ги наведува нејзините вештини:
– Јас правам сè што правиш ти, но го правам со една рака. Буквално. Го држам она што е важно (моето бебе) со целата сила што ја имам во едната рака, додека со другата жонглирам со милион дневни задачи. Безмилосно давам приоритет. Како резултат на тоа, секој ден станувам посилна и поефикасна.
– Мислам десет чекори напред. Секој ден е 50+ дела од сложувалката со која управувам со вештини, стратегија и среќа.
– Одржувам позитивна мисла, додека мојата трпеливост се приближува до границата. Мојот тим има падови, емоциите се зголемуваат и секојдневно се појавуваат нови предизвици. Водам со емпатија, слушам дебати и охрабрувам решавање на проблемите преку компромис.
– Се приспособувам. Го прифаќам сето она што животот ќе ми го даде (моето 2-годишно дете) и се приспособувам за да бидам потребен лидер – обично со малку спиење и со малку време. Моите улоги во минатото не се ограничени на: наставник, готвач, медицинска сестра, фризерка, чистачка, градежен работник, возач, преговарач за заложници, шивачка, инженер, преведувач, инструктор по пливање, терапевт, стилист.
– Водам со емпатија. Мојот тим е приоритет и е најзначаен. Јас работам за него.
– Жестоко се борам во име на мојот тим.
– Комуницирам моќно и плодно. Се фокусирам на јасна комуникација ориентирана кон резултати за да се поттикнат промените.
– Давам приоритет на интегритетот и искреноста. Сè што е помалку е неприфатливо.
– Во постојана потрага сум по подобар начин. Може да ме најдеш како повторувам сè, од подобрувања на процесот, развој на производи до алатки за комуникација. Креативноста е основна за мојата работа.
– Ја ценам соработката. Тимската работа е клучна за мојот успех. Негувам односи помеѓу различни групи на луѓе со цел да го поддржам, воздигнам и одржам животот меѓу мојот тим.
– Сето ова го правам со многу малку „благодарам“ и се будам секое утро за сето ова да го повторам поради мојот капацитет да најдам радост и љубов во мојата работа.
Сето ова сумира зошто мајките би биле идеални за која било позиција – внимателни, флексибилни и цврсти. Ако го видевте ова меѓу резимеата на многу кандидати, тогаш сопственикот на ова CV сигурно ќе беше вработен.
Сиднеј го заврши својот пост со главниот проблем што ги мачи родителите што работат денес:
– Нешто е фундаментално, катастрофално расипано ако дозволиме овој вид талент да ја напушти работната сила. Можеби ако го смениме начинот на кој ги проценуваме, даваме приоритет, развиваме и заштитуваме вештините што ги учиме надвор од канцеларијата, мајките би имале шанса за борба.
912