Сите деца понекогаш излегуваат од контрола. Дали сте забележале дека кога им кажувате што да прават и сте авторитетни, тие уште повеќе не слушаат. Често е така – колку повеќе притискаме, толку повеќе одбиваат. Па кога ќе одбиваат да сторат нешто, на пример, пишувањето на домашната, обидете се да искористите манипулативна техника. Можеби ви е познат класичниот психолошки трик каде што лекар прашува дете дали сака да добие една или две дози вакцина. Секогаш децата избираат една. Кој е трикот и како функционира?

Целта е да се намали отпорноста кон задачата. Прашањето на лекарот наведува на лажен избор. Една доза или две? Сега се фокусирате на одлуката наместо на иглите. Исто така, имате чувство на контрола дека ќе ја користите вашата одлука. На крајот од сето тоа, добивате „пауза“ од целиот процес, па само се фокусирате на „изборот“. Се работи за метода која ве одвлекува од главната идеја додека исто така доброволно се вовлекувате во „проблемот“:

-Дали сакате да ја комплетирате домашната за неделава или да се фокусирате на следните денови?
-Дали сакате да читате цели поглавја вечерва или само првите 5 страници?
Дали сакате да го довршите целиот есеј денес или да започнете само со воведот?

Во овие случаи користите лажен избор. Никој не го одбира првиот избор, секако. Таа метода ќе функционира кај помалите деца, но кога се работи за постари деца, треба да понудите избори, но сите тие избори да бидат прифатливи за вас. На пример:
-Треба да ги завршиме овие обврски пред забавата. Дали сакате да ја исчистите собата или да ги измиете садовите:
-Треба да се подготвите за вашите тестови вечерва. Дали сакате да работите математика или читање?
-Дали сакате да го пишувате есејот на тастатура или прво да го напишете рачно?

И двете стратегии им даваат на децата чувство на контрола и навидум избор. Нема веќе да им кажувате што да прават, туку наместо тоа, им давате опции.

Автор: Катја Себерсон

Извор