Седум ученици од ООУ „Јохан Хајнрих Песталоци“ на „World Scholar’s Cup“ во Прага, Република Чешка, освоија 34 златни и сребрени медали. Еден ученик има освоено 14 медали за постигнат успех во дебатирање и општо знаење, со што учениците директно се пласираа на финалниот натпревар кој ќе се одржи на „Јејл“ во САД.

– Овие признанија не се први за нашите основци од ООУ „Јохан Хајнрих Песталоци“. Во февруари годинава од глобалниот натпревар кој се одржа во Дубаи, Обединетите Арапски Емирати се вратија со 28 медали и два трофеј – информираат од Општина Центар упатувајќи искрени честитки на учениците.

Извор: МИА