Ново истражување открива дека момчињата-тинејџери што имаат попрогресивни ставови кон родовите имаат помала веројатност да покажат насилно однесување од оние момчиња со построги ставови кон машкоста и родовите.

Истражувањето објавено во „Америкал журнал оф превентив медисин“, исто така, откри дека момчињата со поправични родови ставови имаат помали шанси за насилство во повеќе домени, вклучително и злоупотреба на состанок и сексуално вознемирување, а момчињата што биле сведоци кога нивните пријатели се вклучиле во насилно вербално, физичко или сексуално однесување имале 2 до 5 пати поголеми шанси и тие да се вклучат во нив.

– Премногу долго се премолчува сексуалното насилство и насилството од партнерот, насилството кај младите и булингот – вели д-р Елизабет Милер, водечка авторка на истражувањето и шефица на одделот за адолесценти и млади во Детската болница во Питсбург. Надежта е дека информациите ќе помогнат да се фокусираме на родовата еднаквост како механизам за превенција од насилството.

Истражувањето анализирало анонимни податоци од 866 тинејџери на возраст меѓу 13 и 19 години од 20 населби со ниски приходи во Питсбург меѓу 2015 и 2017 година. На момчињата им биле поставени прашања колкава е веројатноста да се согласат со изјави за родови норми како: „Еден маж не смее никогаш да удри друг маж за да добие почит“ и „Јас би бил пријател со маж кој е хомосексуалец“. Koлку повисоки оцени давале за овие изјави, толку попрогресивни гледишта за родовите биле претпоставени.

Истражувањето е клучно за да откриеме повеќе за тоа како овие мислења влијаат врз однесувањето и потребата од превенција во текот на оваа возрасна група. Според истражувачите, кај возрасните што доживеале насилство од партнери, 26 отсто од жените и 15 отсто од мажите доживеале вакво насилство пред 18 години.

Истражувачите откриле дека една област на насилно однесување, хомофобично малтретирање, не е во согласност со поголемите откритија на истражувањето за прогресивните гледишта кон родовите врски поврзани со пониско насилничко однесување.

– Би очекувале дека колку се понапредни вашите верувања, толку е помала веројатноста да се вклучите во хомофобично задевање. Но, не го откривме тоа – вели Милер.

Милер вели дека САД се наоѓаат зад другите земји кога станува збор за едукација и обезбедување програми за превенција против насилство врз жените.

– Ова е една од областите каде што сме во застој – вели таа. За жал, таа и нејзиниот тим, кој работи со млади спортисти, велат дека колку порано можат да ги натераат момчињата да разберат како и зошто постои нивното мислење за родовите, толку подобро.

-Раната адолесценција може да биде навистина важно време за интервенција – вели Милер. Нивната процена има цел да даде информација за идните напори за спречување на насилството кај младите преку идентификација на потенцијалните показатели за извршување насилство.

Извор