Ако планирате викендов да останете со децата дома, еве неколку интересни идеи како квалитетно и забавно да го поминете времето.
Еве неколку интересни предлози за убав и забавен викенд со децата:

1. Организирајте пикник во дневната соба

Ако вашето дете е навикнато оброците да ги јаде на исто место, направете го викендот поинтересен и заедно уживајте во појадок или вечера на подот од дневната соба. Ќе биде интересно, можеби ќе ви се приклучат и кадифените другарчиња!

2. Заедно направете домашен миризлив пластелин во боја

Направете едноставен домашен пластелин од само неколку состојки! За оваа сензорна игра да добие и мирисна нота, додајте неколку капки етерично масло од лаванда, а за тактилна сензорна игра во тестото замесете суви зачински тревки или зрна ориз.

Состојки:
* 2 мали шолји брашно
* 1 мала шолја сол
* 2 лажички прашок за печиво
* 1 мала шолја жешка вода
* боја за колачи

Подготовка:
1.Измешајте ги сувите состојки, па додајте го маслото и добро промешајте. Пополека додавајте ја жешката вода во која претходно сте ја додале прехранбената боја и месете додека да добиете еластична и мазна смеса.
2. Добивте основно домашно тесто за моделирање кое може да се користи неколку недели ако по секое играње го затворите во пластична кутија или кеса за храна и го ставите во фрижидер до следното играње.
3. Со пластелинот можете да формирате разни животни – жирафи, мечиња или зајчиња, но и многу други форми.

3. Направете слика од дрво со вистински лисја

Заедно со детето соберете лисја од дворот или од паркот. Разговарајте за тоа колку секој паднат лист е единствен и прекрасен. Потоа дома заедно нацртајте дрво и гранки, а детето нека ги залепи лисјата на сликата. Ќе добиете уникатен спомен на оваа есен!

4. Изградете тврдина

Подгответе ќебиња, чаршафи и перници и дозволете му на детето да изгради тврдина според неговата замисла! На децата многу им се интересни ваквите „тврдини“, без оглед на возраста, а со малку труд и креативност, детската соба или дел од дневната можат да станат голем забавен шатор барем на еден ден!

5. Направете луѓе од балони

Ова е едноставна, но генијална идеја за забава на бебиња или помали деца! Нацртајте среќно лице на едната и несреќно на другата страна од балонот и вашето дете ќе „зајде“ од смеење кога ќе го свртите балонот на другата страна.

6. Организирајте лов на играчки

Едноставно, скријте неколку играчки во куќата/станот и дајте му на детето неколку насоки за да може да ги најде. Дополнително, ветете му специјална награда по успешниот „лов“!