Ќе бидам искрена – татко ми не е топол човек.

Тој е секогаш тука – наоколу, секако, но неговиот начин да покаже дека се грижи е да ми каже како подобро да се грижам за мојот автомобил.

Никогаш не престанав да размислувам како мојот однос со татко ми влијае врз мене денес (или некогаш). Истражувачите тврдат дека „неквалитетните татковци“, а не само оние што не се присутни, негативно влијаат врз односите со нивните ќерки во возрасна доба. Во 2019 година тим од Државниот универзитет во Пенсилванија регрутирал над 200 пара сестри за да направи студија.

Тимот анализирал како татковското однесување и татковското отсуство влијаеле врз развојот на ќерките. За оваа студија, секој пар требало да има разлика од најмалку 4 години во возраста и да се работи за деца од развод, каде што таткото заминал некаде пред помладата ќерка да наполни 14 години.

Оваа поставеност им овозможила на истражувачите да споредат како секоја сестра пристапува кон односите со возрасните. Единствената променлива била изложеноста на присуството и односот со таткото. Истражувачите утврдиле дека постарите сестри кои биле изложени на неквалитетни татковци (особено оние што биле насилни или се бореле со ментални болести или зависности) имаат помали очекувања од нивните машки партнери. Овие сестри имале поголема веројатност да имаат повеќе сексуални партнери и помалку исполнети врски.

Споредбите со однесувањето на мајката не покажале корелации во ниту еден од сестринските парови или помеѓу различни групи сестри, ниту пак бројот на години во кои татковците ги немало во животот на помалите браќа и сестри.

Кога терапевтите ме прашуваа за татко ми, јас секогаш велев: „Ех, претпоставувам дека е доволно добар, и е некаде наоколу. Едноставно никогаш навистина не разговараме и тој никогаш не изразил интерес за мене. Но, добро е“.

Сепак, ова истражување покренува некои прашања додека го анализирам мојот сегашен живот и моето минато.

Дали ќе имав помала веројатност да прифатам вербална и сексуална злоупотреба од мажи во текот на средното училиште ако го гледав татко ми во поинакво светло?

Можеби би била помалку подготвена да давам повеќе од себе, ако сум се чувствувала повеќе сакана за време на моето детство.

Дали помалку би го прифатила однесувањето на мојот сопруг ако гледав нешто поинакво додека растев?

Се сеќавам дека го гледав татко ми како посетува бејзбол и фудбалски игри што ги играа моите браќа, но сепак местата беа празни на концертите на мојот бенд и на театарските продукции. Секоја вечер седеше во лежалката по работа, пиејќи неколку пива и гледајќи телевизија додека јас прашував дали може да ми помогне со мојата домашна задача по алгебра. Моите браќа научија да возат со татко ми, додека тој одбиваше да се вози во возило ако јас се седнев на возачкото место.

Моите пријателки често споделуваа приказни за забавни состаноци помеѓу нив и татковците, но јас никогаш не можев да придонесам во разговорот. Шокантно, тој всушност одеше со мене по патеката и ме „даде“ на мојата свадба. Како мајка, чувствувам дека ова истражување е од витално значење не само за мене, туку и за моите ќерки.

Сите жени имаат потреба од оваа информација.

Колку повеќе учиме за себе и што влијае врз нашето однесување, толку подобро можеме да се заштитиме и да најдеме среќа. Додека се подготвуваме да влеземе во врски, да родиме свои деца или да станеме тетки, треба да знаеме како татковците уникатно влијаат врз нивните ќерки. Треба да се вооружиме за да можеме да ги прекинеме циклусите што ни штетат.

Очигледно, како и секое психолошко истражување, оваа студија има некои ограничувачки фактори. За почеток, истражувачите ги собрале сите информации преку извештаи. Исто така, постојат потенцијални дополнителни варијабли кои истражувачите не ги зеле предвид во текот на оваа студија.

Сепак, оваа студија е прва од ваков вид.

Дефинитивно е одличен почеток да се разбере колку однесувањето на таткото директно влијае врз идните односи на ќерката. Лично, сметам дека оваа информација е непроценлива и се надевам дека ќе ја искористам за да продолжам да работам кон самоподобрување.

Автор: Меган Глосон

Извор