Иако секоја жена во текот на животот сонува да ги избегне стриите, само мал број среќници успеваат во тоа. Кожата е нашиот најголем орган и во текот на животот е изложена на сериозни предизвици за да остане во добра состојба. Стриите најчесто се поврзуваат со бременоста, но може да се појават уште во пубертетот, поради брз раст, зголемување на телесната тежина и губење на тежината во текот на животот, а најчесто за време на бременоста.
Зошто се појавуваат стрии?
Стриите се „пукнатини“ на кожата, односно оштетување на сврзното ткиво на кожата поради недостиг на еластичност на кожата или поради нагло и силно истегнување на кожата, како и хормонална нерамнотежа. Невозможно е целосно да се отстранат, но со текот на времето тие стануваат сѐ помалку видливи. На почетокот стриите се црвени, понекогаш дури и темновиолетови, но со текот на времето избледуваат и стануваат речиси незабележливи. Освен за нас, се разбира.
Стриите се појавуваат и кај мажите и кај жените, а додека кај мажите најчесто се појавуваат на рацете, рамената, а понекогаш и на градите, кај жените најчесто се на стомакот, колковите, бутовите, но можеби и на рацете и градите.
Како да ги избегнете?
Со оглед на тоа што стриите делумно се детерминирани од генетиката, понекогаш не сите вложени напори ќе бидат доволни за целосно да ги избегнеме стриите, но има многу што можеме да направиме за нашата кожа и со тоа да ги минимизираме ризиците од стриите. Најчесто прво мислиме на кремови и масла, но често забораваме колку е важно кожата да се хидрира со доволно внесување течности (сигурно дека водата е најдобра). Секако, со цел да ја избегнеме појавата на стрии, сакаме да постигнеме нашата кожа да биде нахранета и еластична, бидејќи тогаш е многу поотпорна на проширување и контракција.
Трикови за намалување на ризикот од стрии:
-Пијте доволно течности секој ден, по можност вода.
-Хранете се здраво, исхраната нека биде богата со овошје и зеленчук, здрав избор на месо и без масни грицки, тешка и преработена храна и слатки.
-Намалете го внесот на алкохол и кофеин колку што е можно повеќе.
-Витаминот Ц и Е се ваши сојузници во борбата за здрава и убава кожа.
-При туширање не користете сапуни за сушење, туку масла за капење или хидратантни гелови за туширање, кои ќе спречат дополнително сушење на кожата за време на самото туширање.
-По туширањето критичните места каде што е најголем ризикот од стрии, додека сѐ уште се влажни, третирајте ги со масла или малку млеко за тело.
-За нега на кожата можете да користите и природни масла (кои секако се подобар избор за време на бременоста), како маслиново и бадемово.
-Редовниот пилинг ќе ги отстрани мртвите клетки на кожата од вашето тело и ќе им овозможи на маслата или кремовите подобро да навлезат во кожата.
-Со масирање на целните области со масло или лосион ја подобрувате циркулацијата и ја зголемувате еластичноста на кожата.
912