Секоја жена што била бремена или е бремена знае кои се стравовите од бременоста. Станува збор за рационален, а понекогаш и ирационален страв дека нешто ќе тргне наопаку. Некои стравови од бременоста се логични, додека некои се чиста паника.

Бременоста е вистински емотивен рингишпил. На почетокот има задоволство кога ќе откриете дека тестот е позитивен – но набрзо тоа се заменува со СТРАВ. Дали крвавењето е лош знак? Зошто вашиот стомак расте побавно од оној на вашата пријателка? Како точно треба да се грижите за вашето новороденче кога конечно ќе пристигне на свет? Дали детето ќе влијае врз вашата кариера?

Сега дишете. Не сте сами. Всушност, ако посетите форум на која било веб-страница за бременост, ќе откриете дека многу жени ги имаат истите грижи. Породување, грижа за бебиња, страв од губење работа…

Ви ги пренесуваме најчестите – заедно со неколку стручни совети како да се справите со нив.

Крвавење во бременоста

Крвавењето во раната бременост е сосема нормално и веројатно нема да му наштети на вашето бебе. Причината може да биде пробивното крвавење, кое често се случува кога менструацијата веќе ни доцни, или имплантациското крвавење, кое се јавува кога вашата оплодена јајце-клетка е имплантирана во матката.

Крвавењето може да биде и резултат на омекнување на грлото на матката, што создава чувствителна област, или резултат на безопасен раст на полипи. И двете може да резултираат со крвавење ако има триење, како на пример кога имате сексуален однос. Општо земено, кафеава или розова боја е во ред, но ако има силен проток на црвена крв придружена со болка, веднаш посетете гинеколог. Крвавењето треба да престане околу 12. недела, но ако сè уште крвавите по таа недела, веднаш побарајте лекарска помош.

Спонтан абортус

Иако сте имале еден спонтан абортус, тоа не значи дека ќе се повтори. Многу жени можат да имаат нормална бременост и здрави бебиња по спонтан абортус. Една од четири жени доживува спонтан абортус, а четвртина од нив се генетски предизвикани затоа што бебето не се развива како што треба. Лекарите обично ги истражуваат можните причини за ран спонтан абортус (до 12 недели) откако сте имале три спонтани абортуси по ред. Поради подоцнежните спонтани абортуси, се прават детални прегледи (од 12. до 24. недела), иако тие се многу поретки. Ако сте загрижени, разговарајте со вашиот лекар кој може да препорача претходен ултразвук.

Големина на стомакот

Вашиот стомак се протега од врвот на вашата срамна коска до долниот раб на задното ребро, па ако сте високи, вашето бебе има повеќе простор да се прошири во висина, а вашиот стомак најверојатно ќе биде помалку испакнат. Други фактори што влијаат врз големината на стомакот се бројот на добиени килограми, силата на стомачните мускули и бројот на претходните бремености – полабавите мускули се растегнуваат побрзо и потешко.

Ако чувствувате редовни движења на бебето и вашиот стомак продолжува да расте, не мора да се грижите што мислат другите.

Работа

Ах, рамнотежа помеѓу работата и животот. Обидете се да не бидете премногу нервозни – затоа што повеќето работодавци се подготвени да запознаат мајки. Може да земете едногодишно породилно отсуство, а вашиот работодавец мора да го разгледа барањето за флексибилно или намалено работно време ако сакате да се вратите на работа порано, иако не мора да го одобри. Само погрижете се да најдете добри „деловни“ аргументи за вашиот работодавец да се согласи на флексибилно работење. Стравот од губење на работата, за жал, е нешто што ги мачи повеќето трудници и новопечени мајки, затоа вооружете се со поддршка и секако – правна помош и аргументи.

Грижа за бебето

Дозволете му на вашиот инстинкт да ве води и за неколку недели ќе станете вистински експерт за нега на бебето. Стравот е оној што најчесто ги мачи новопечените мајки. Прашајте ја патронажната сестра за совет и можеби ќе можете да се придружите на група за поддршка на мајки и бебиња, каде што ќе можете да ги споделите вашите грижи и да добиете корисни совети.

Опуштете се…

Бременоста е возбудливо време, но со толку многу физички и емоционални промени, сосема е нормално да бидете загрижени, велат искусни гинеколози. За да се опуштите и да го надминете стравот, се препорачува следното:

-Не читајте многу книги за бременост и не барајте одговори на интернет за речиси секоја грижа за бременоста. Наместо да ве смири, изобилството информации само долева масло на огнот на вашите грижи. Имајте верба во фактот дека вашето тело знае што прави и дека знае што му треба на вашето неродено дете, а ако сте загрижени за нешто, подобро разговарајте со вашиот лекар.

-Во деновите пред породувањето слушајте релаксирачка музика најмалку двапати неделно. Искористете го ова време за да се фокусирате на бавното и стабилно дишење и на вашето бебе, што ќе ви помогне да се поврзете.

-Не задржувајте ги работите за себе. Споделувањето на вашите грижи со пријателите, семејството и вашиот лекар ќе ви помогне да останете реални. Повеќето бремености се развиваат нормално, но ако нешто ве загрижува, не двоумете се да побарате медицинска помош.

-Фокусирајте се на позитивни идеи и приказни за бременоста и игнорирајте ги негативните приказни што некои луѓе знаат да ги шират.

-Не заборавајте дека бременоста е само еден дел од вас. Најдете време за вашите пријатели, релаксација и забава, што ќе ви помогне да се чувствувате помалку вознемирени и нервозни.

Извор