Модерните родители сакаат нивните деца да ги гледаат како пријатели. Затоа 73 отсто од нив претпочитаат разигран пристап наместо строг.
Во истражување спроведено на 2.000 родители било откриено дека постојат промени во родителството. 87 отсто од денешните родители веруваат дека благиот пристап е подобар за менталното здравје на децата. Три четвртини од родителите воопшто не очекуваат нивните деца да се однесуваат најдобро, тие сакаат нивните деца да се забавуваат додека растат.
Од друга страна, постарите родители сметаат дека таквиот стил ги воспитува децата со недостиг на почит (29 отсто) и дека децата нема да знаат за граници кога ќе пораснат (45 отсто). Само 37 отсто од постарите родители го гледаат своето дете како пријател.
Една четвртина од постарите мајки и татковци сметаат дека третманот на децата како пријатели е „мрзлив пристап“, додека една петтина велат дека тоа покажува недостиг на наметливост.
– Да се биде разигран, позитивен родител е важно бидејќи создава доживотни спомени. Минатата година беше многу тешка за децата, а опуштениот, самоуверен и поврзан родител им помага да се чувствуваат поддржани и разбрани, што е добро за нивната општа благосостојба и ментално здравје. Тоа им помага на родителите да создадат силна врска што поставува одлична основа за доживотна врска родител-дете – вели Сју Аткинс, експерт за родителство.
Исто така, резултатите од анкетата покажаа дека најчестите техники на родителство за постарите родители вклучуваат учење да се почитуваат постарите лица (62 отсто), да се занимаваат со домашни работи (49 отсто) и да се испраќаат во нивната соба (41 отсто).
Пред неколку години децата беа охрабрени да јадат со своите семејства (46 отсто), строго се придржуваа кон режимот на спиење (40 отсто), а лошото однесување беше казнето (35 отсто).
Спротивно на тоа, современите родители го наградуваат доброто однесување (54 отсто), им овозможуваат на децата независност и слобода да учат од сопствените грешки (48 отсто) и издвојуваат време за глупирање и игри (46 отсто). Денешните мајки и татковци игнорираат блага непослушност (30 отсто) и им дозволуваат на децата да јадат каде сакаат и кога сакаат (17 и 13 отсто).
Автор: Сен Паркер
912