Адолесценцијата е еден од најчувствителните и најпредизвикувачки периоди, како за децата така и за родителите. Тинејџерите бараат поголема самостојност, расположението им се менува за миг, а родителите честопати се двоумат дали станува збор за вообичаена развојна фаза или за проблем што бара подлабоко внимание.

Овие 8 важни работи секој родител треба да ги има на ум:

1. Телефонот нека биде подалеку од креветот

Ако тинејџерот го држи телефонот до креветот, речиси сигурно ќе остане буден до доцна. Известувањата, социјалните мрежи и видеата го одложуваат спиењето, а квалитетниот сон е клучен за нивниот раст, хормонската рамнотежа и менталното здравје.

2. Децата учат од нашиот пример

Кога станува збор за ограничување на времето пред екраните, правилата имаат вистински ефект само ако ги почитуваме и ние. Тинејџерите ги набљудуваат навиките на возрасните и несвесно ги преземаат.

3. Важно е детето да има уште една возрасна личност од доверба

Колку и да е добар односот родител-дете, за тинејџерот е исклучително корисно да има уште една возрасна личност на која може да ѝ се довери без страв од осуда, баба, дедо, тетка, чичко, тренер или професор.

4. Депресијата кај младите често е невидлива

Депресијата кај тинејџерите не мора да изгледа онака како што замислуваме. Детето може да биде насмеано, со одличен успех во училиште и социјално активно, а внатрешно да води сериозна емоционална битка.

5. Анксиозноста често се крие зад раздразливоста

Ако детето е често нервозно, луто или бурно реагира за ситници, тоа не значи дека е само „во лоша фаза“. Анксиозноста кај адолесцентите многу често се манифестира преку раздразливост, повлекување во себе или ненадејни промени во однесувањето.

6. Социјалните мрежи ја намалуваат самопочитта

Постојаното споредување со идеализирани слики и туѓи „совршени“ животи на интернет остава последици врз нивната слика за себе. Важно е отворено да разговарaме со нив и да ги потсетуваме дека она што го гледаат на социјалните мрежи ретко се реалност.

7. Границите се израз на грижа, а не казна

Иако тинејџерите често ќе протестираат против поставените правила, доследно поставените граници всушност им даваат чувство на сигурност. Тие им помагаат да развијат одговорност, самоконтрола и здрави животни навики.

8. Не игнорирајте ги честите главоболки

Честите главоболки кај тинејџерите не треба да се занемаруваат. Тие може да бидат последица на ненаспаност, дехидратација, стрес или прекумерно гледање во екран. Доколку се повторуваат, задолжително консултирајте се со матичниот лекар или педијатар.

Родителството во адолесценцијата бара трпение, внимателно слушање и постојан отворен разговор. Понекогаш она што на прв поглед изгледа како обичен каприц, всушност е начин детето да покаже дека му е потребна поддршка.

Извор