Кога ќе го сретнете човекот со кој сакате да го поминете животот, факт е дека тој доаѓа со багаж, а многу често тој багаж ја вклучува и неговата мајка, која во некои случаи може да биде пречка меѓу вас.
За да спречите расправии, недоразбирања и евентуално поголеми проблеми, испробајте ги овие совети како да изградите пријатни семејни односи засновани на љубов и почит.
- Мисли дека секогаш е во право
Ако имате свекрва која е убедена дека знае сѐ најдобро, од одгледување деца до продавница во која има најубаво месо, не ви е лесно. Но, тоа не значи дека не можете да најдете заеднички јазик со неа. Наместо постојано да се борите, одберете ги битките што ви се важни. Ако не сакате да го слушате нејзиното мислење или совет, запрашајте се зошто. Можеби ѝ замерувате поради нешто што ви кажала порано или нешто што го направила, но таквиот став нема да ви помогне. Постои голема веројатност дека вашата свекрва го сака најдоброто за вас и вашето семејството, но не знае како да го изрази тоа – објаснува советничката за врски Аманда Мејџор.
– Во ред е да не се согласувате, но важно е во секоја дискусија да се однесувате како возрасни и да се трудите да најдете средина. Наместо отворено да ѝ се спротивставите, обидете се да ја ислушате и да ја убедите дека ќе го земете предвид нејзиниот совет – советува Мајор.
2. Постојано доаѓа затоа што сака да биде со внуците
Ако вашата свекрва сака да поминува време со вашите деца, не сфаќајте го тоа негативно. Искористете го тоа време за себе и за вашиот сопруг, занимавајте се со вашето хоби и завршете некоја обврска.
Во случај да се појави ненајавено и сака да поминува време во вашиот стан, тогаш подобро е однапред да договорите состаноци за да бидете сигурни дека нема да дојде во време што не ви одговара.
– Наместо да се лутите и да се расправате, седнете со партнерот и договорете се за редовните состаноци. Размислете кога е најдобро свекрвата да ги носи децата во парк или да ви дојде дома. На овој начин секој знае што е дозволено, а што не. И ќе имате слободно време кое можете да го искористите како што сакате – советува Мајор.
3. Ве споредува со поранешната девојка на вашиот сопруг
Само замислете ситуација кога свекорот и свекрвата доаѓаат кај вас на ручек, а таа ќе почне да ги споредува вашите кулинарски вештини со тие на поранешната девојка на вашиот сопруг.
– Споредбата со поранешна партнерка никогаш нема среќен крај. Треба јасно да ѝ ставите до знаење на свекрвата дека тоа не доаѓа предвид бидејќи ве навредува со такви коментари. Исто така, за да го решите овој проблем, ќе ви треба поддршка од вашиот сопруг. Замолете го да разговара со неа приватно. Најдобро ќе ѝ даде до знаење дека тоа што го прави не е во ред ниту за вас ниту за него, бидејќи тој ве избрал вас – советува Мајор.
4. Се меша во расправиите
Ако некогаш ви се случило свекрвата да налета на вас и вашиот сопруг во расправија и да го повика настрана по расправијата или отворено да застане на негова страна, тогаш знаете колку тоа може да ги уништи семејните односи.
– Врската помеѓу мајката и детето е силна, па не е чудно што свекрвата ќе биде на страната на вашиот сопруг. Тоа не значи дека тоа што го прави е во ред. Ако ова ви се случува, тогаш треба да разговарате со вашиот сопруг и да поставите граници – вашата врска е ваша врска и никој нема право да ви се меша. Откако ќе ги поставите границите, неопходно е да разговара со мајка си и да ѝ објасни дека не му треба нејзината поддршка и дека вашите кавги и расправии се ваши и ќе ги решите – објаснува Мајор.
5. Ги игнорира правилата што сте ги поставиле вие и вашиот сопруг
Кога децата се со свекрвата, дозволено им е сѐ – појадуваат слатки, скокаат по креветите и никој нема контрола над миењето заби. Колку и да ве лути тоа, попуштете ѝ. Опуштете се и уживајте во времето што го имате.
– Попуштете ѝ. Времето што го минува со внуците ѝ е драгоцено и веројатно мисли дека вие сте тука за дисциплинирањето на децата, а тоа време со неа треба да биде забавно бидејќи, на крајот на краиштата, таа сака нејзините внуци да доаѓаат што почесто – советува Аманда.
– Ако се работи за нешто посериозно, првиот чекор е да разговарате со партнерот и да му објасните што ве мачи и да најдете најдобар можен начин да ѝ објасните на неговата мајка што вие двајца би сакале таа да прави во односот со децата. Без разлика дали е пред спиење или колку цртани филмови гледале, важно е како ќе се справите со проблемот. Со мали компромиси може да се постигнат чуда – заклучува Мајор.
912