Во време на изолација и социјално дистанцирање, прошетката надвор (притоа да се придржувате до препораката за дистанца) е еден од неколкуте начини за семејствата малку да вдишат свеж воздух. Но сега, цели соседства низ светот ги здружуваат силите (онлајн) за семејните прошетки да ги направат позабавни.

Иако не се знае од каде потекна идејата, соседите на „Фејсбук“ и на други платформи изнаоѓаат забавни начини за да имаат интеракција едни со други во текот на глобалната пандемија. Така, на пример, голем дел од семејствата играат игра наречена „Јас, шпионирам/Јас, шпионот“  – каде што на сите куќи луѓето поставуваат мечиња или некаков вид уметност на прозорците за децата да можат да избројат колку такви предмети има во текот на нивната прошетка.

Други создаваат бинго-картички што вклучуваат црвени врати и градинарски џуџиња-украси.

Многу вакви игри се специфични за одредени соседства. На пример, семејствата во Бруклин, Њујорк, имаат поставено толку многу виножита на прозорците, што некој создал дигитална мапа што ги означува нивните локации.

Други примери се и пораките напишани со креда на тротоарите што децата ги оставаат за своите другарчиња. Некои луѓе дури и ги претворија своите мини-библиотеки во места каде што се остава храна за оние што не можат да одат во продавница.

Uplifting: Our
neighbourhood organized a shamrock scavenger hunt for the kiddos. People
hung them in their windows for kids to find on social distancing
approved walks. So, so cute. I couldn’t take them, but here’s photo
evidence of them loving it. #wellingtonwest
cc:@JLeiper
pic.twitter.com/1d4zVV5jK7

—
Carole Saab (@carolesaab) March
17, 2020

Извор