„Ќе ѝ се јавам на твојата ќерка“, ми рече мајка ми. „Таа веројатно е веќе нервозна“. Мојата мајка има 97 години, а мојата ќерка е во 9. месец од бременоста со првото дете.

„Тоа е љубезно од тебе, мамо. Таа се чувствува добро, но знам дека ќе сака да се слушне со тебе“, ѝ реков.

„Сакам да зборуваме за породувањето“, ми рече таа, со одлучувачки изглед на лицето. Мојата мајка е во одлична форма за некој што е роден во 1924 година. Таа може да се качува и да слегува по скали, да си направи коктел и е способна брзо да размислува. Не ѝ е најдобра краткорочната меморија. Ѝ објаснив дека денешните жени имаат пристап до голем број информации за темата, многу повеќе од жените порано.

Всушност, јас бев изненадена од тоа колку знае мојата ќерка – секој чекор како се развива бебето и сè поврзано со тој процес. Кога мајка ми очекувала дете во 50-тите години, немало ништо од денешната технологија. По три децении, кога јас забременив, имаше само сонограм. Мојата ќерка сега гледа слики во боја со сите страни од срцето на бебето.

„Мамо, породувањето е многу променато откако ти не роди сите нас“, ѝ реков. „Бесмислица. Да се има бебе е да се има бебе. Покрај тоа, ти си имала два царски реза, јас ги родив бебињата на природен начин. Па знам повеќе од тебе“, ми рече таа. „Да, дали имаше некакво нарушување на сонот?“ „Кејт, не се сеќавам. Само знам дека не беше толку голема работа. Секоја генерација мисли дека го измислува породувањето.“

Еден ден подоцна зборував со ќерка ми. „Се јави баба. Имавме одличен разговор“, ми рече таа. „Дали ти зборуваше за породувањето?“ „Не баш. Најмногу ми кажуваше колку тешки бебиња сте биле. Добро, не ти, но твоите браќа и сестри. И беше изненадена што ѝ кажав дека јас и сопругот ќе бидеме заедно во собата за породување“. „Ох, леле. Па, ти мисли добро“, ѝ реков. Знаев дека ќерка ми е нервозна за породувањето. Секоја жена е, особено со првото дете. Ѝ требаше поддршка, а не хорор-приказни. Но, потоа ќерка ми ме изненади.

„Мајка ти ми даде и подготвителен говор. Ми рече дека сум силна и паметна и дека ќе бидам добро.“

Тоа ме воодушеви. Мојата ќерка навистина е силна и паметна. Како и нејзината 97-годишна баба. Тоа ќе ѝ помогне да помине низ искуството. И ќе биде во ред.

Автор: Кејт Стоун Ломбарди

Извор