Во нивната потрага да откријат што е она што ја прави љубовта трајна, психолозите – истражувачи и сопружници Џон и Џули Готман интервјуирале повеќе од 3.000 двојки, следејќи некои од нив дури 20 години.

Се разбира, не постои формула за долготрајно партнерство, но паровите што се среќни и заедно со години имале неколку заеднички работи, откриле Готманови.

Заедничка карактеристика на успешните парови е способноста за „поправање“

Во интервју за нејзината наставна платформа „Сесии“, Естер Перел ги интервјуирала Готманови за нивното истражување. Една заедничка карактеристика што ја имале најуспешните парови, откриле Готманови, била нивната способност за „поправање“.

-Паровите кои беа навистина успешни неколку години подоцна беа оние што направиле поправки, ако кажале или направиле некои погрешни зборови и работи – изјавила Џули Готман.

Но, поправката не значи купување цвеќе или почестување на вашиот партнер со скапа вечера. Тоа може да биде прашање или коментар кој потврдува дека нашиот партнер е личност, а не непријател.

Џон Готман го дал примерот на еден од неговите клиенти, кој штотуку се скарал со својата партнерка:

-Еден тип рече: „Па, сега кога си ги уништивме личностите еден на друг, што велиш за едно парче чискејк?“

По поправката, важно е да се изрази позитивност

За време на една од најголемите студии на Готман, тие откриле дека односот на позитивните и негативните интеракции за време на конфликтот мора да биде пет спрема еден.

За оваа студија, семејството Готман побарало од паровите да се обидат да ги решат несогласувањата за 15 минути. Тие го снимиле конфликтот, ја гледале снимката и секоја интеракција ја категоризирале како позитивна или негативна.

Позитивните интеракции вклучувале насмевка, допирање на раката на другата личност или едноставно кажување „разбирам“.

Негативните интеракции биле навреда или обвинување на другата личност.

-Набљудувавме парови, снимавме податоци, а потоа ги пуштивме назад во „дивината“ – напишале тие во нивната книга „Рецепт за љубов: 7 дена кон поголема интимност, поврзаност и радост“.

-Паровите кои одржуваа барем сооднос пет спрема еден (или повеќе) за време на конфликтот сè уште беа среќни заедно и сè уште чувствуваа љубов еден за друг – заклучиле Џон и Џули Готман.

Извор