Малку работи во животот се пострашни од моментот кога ќе сфатите дека вашето дете го нема. Срцето ви прескокнува и целиот свет се замрзнува. Ако сте како повеќето родители, првото нешто што ќе го направите е анализирање на околината, барање од едно на друго место, обидувајќи се да го најдете и на крајот ќе почнете да го викате неговото име. Идеална ситуација е кога ќе успеете да го лоцирате детето, но ако не сакате да ризикувате пострашна судбина, една мајка на „Тик-ток“ споделува што прво да направите ако вашето дете се изгуби на јавно место.

– Ако погледнете наоколу и вашето дете не е повеќе до вас, она што треба да го направите е гласно да почнете да викате. Не молчете додека барате. Барајте го гласно – вели Џес Мартини, мајка на три момчиња.

– Можеби ќе се чувствувате глупаво правејќи го тоа, но подобро да изгледате глупаво отколку подоцна да се каете. Почнете гласно да го кажувате неговиот опис. Тоа би звучело вака: „Барам момче, 5 години, кратка кафеава коса, кафеави очи, црвена маичка, црни шорцови!“ Повторувајте го ова додека го барате – вели таа. Во тој момент речиси сите околу вас почнуваат да го бараат вашето дете наместо да го барате само вие.

Најдоброто сценарио? Некој ви го наоѓа детето и ви го враќа. Идеалното сценарио во најлош случај? Ако некој го грабнал детето, веднаш ќе го пушти затоа што не сака да го гледаат со дете со таков опис – вели таа.

@jesmartini

PSA that I feel can save kids and I’ve used- if your child goes missing in public #momsoftiktok #PSA #nojudgement #fyp #4up #besafe #parentsoftiktok

♬ original sound – Jess martini

Извор