Во текот на периодот на интензивно цветање на амброзијата, оние на кои тоа им создава проблеми со дишењето, кивање, чешање на очите и слично, не би требало да си го отежнуваат животот консумирајќи намирници што ги засилуваат овие непријатни симптоми.

Амброзијата е едногодишна билка која може да порасне до висина од 150 сантиметри. Со оглед на тоа дека расте многу брзо и е во состојба, како најлошиот плевел кој покрива сѐ пред себе, брзо да прекрие огромни површини, изразено е опасна за оние што патат од алергија и живеат во нејзина близина. Само едно стебло може да предизвика повеќе милиони зрна полен и повеќе десетици илјади семки.

Спаѓа во многу инвазивни билки, цвета од јули до септември, а врвот на цветањето е обично во август. Со оглед на тоа дека е тешко докрај да се искорени, на лицата што се алергични им се даваат совети како да ги ублажат симптомите, но понекогаш и самите забораваат на намирниците што може да предизвикаат алергии.

Намирниците кои инаку нормално ги консумирате – диња, лубеница, краставици, тиквички, сончоглед, киви, банана и камилица – во текот на цветањето на амброзијата може да предизвикаат иста алергиска реакција.

Следете ги реакциите на вашето тело откако ќе изедете некоја од тие намирници и ако состојбата се влоши, избегнувајте ги.