Како да воспитате дете што знае да простува
Клучот за ваквото воспитување е да го научите детето да ги разбере перспективите на другите луѓе, според информациите од нова студија. Истражувачите од Универзитетот во Северна Каролина спровеле интервјуа со 185 деца за да соберат информации и да пристапат кон вештините во однос на „теоријата на умот“ кај децата – тоа е способноста да разберете дека нечии верувања, намери и желби се различни од вашите. Потоа ги воделе децата низ серија сценарија во кои други деца ги изоставиле од игра или активност.
Најверојатно е добра идеја да се учат децата да ги согледуваат и перспективите на другите луѓе.
Предизвиците на популарноста
Дали е можно детето да биде премногу популарно? Зависи што подразбирате под зборот популарно – вели Стивен Џонсон за „Лајфхакер“. Има два вида популарност: статус – што е карактеризиран од моќ, доминација и влијание, и допадливост – што е карактеризирано од тоа едноставно да им се допаѓате на другите (да бидете мили). Истражувањето покажува дека децата што се „кул“ во средно образование, ја губат својата социјална доминација како возрасни. „Работите што го прават 13-годишникот социјално посакувана личност се однесувања кои подразбираат преземање ризици, потрага по социјален статус преку пријателства со други популарни луѓе“, објаснува Џонсон. И до нивните рани 20-ти, кул децата е поверојатно да имаат проблеми со дрога или алкохол или криминални дејствија за разлика од нивните врсници што не се „кул“. Во меѓувреме, допадливоста, која обично е постигната преку инклузивност, емпатија и љубезност како карактеристики, е поврзана со низа позитивни животни исходи.
Што да направите кога детето ќе ви рече: „Те мразам“?
Тогаш децата обично не го мислат тоа – пишува авторката Мелинда Венер Мојер. Па затоа е важно да не се налутите, бидејќи така само ќе го зајакнете однесувањето кое се надевате дека ќе го елиминирате. И иако може да биде искушувачки момент да ја минимизирате изјавата (Не го мислеше тоа) или да се фокусирате на тоа какви чувства ви предизвикало (тоа ги повреди моите чувства), на тој начин само детето ќе се чувствува невидливо и засрамено. Наместо тоа, идентификувајте ги скриените емоции на детето и кажете му нешто како: „Знам дека си лут што не ти давам друго колаче.“ Потоа, кога сите ќе се смират, зборувајте за тоа како подобро да управувате со гневот и лутината. „Сакате вашите деца да знаат дека лутината е природна, здрава е и нормална – но има стратегии за комуницирање и справување со таа лутина“, вели Мојер.
Зошто вашето дете добро се однесува дома, но не и на училиште
Многу родители пријавуваат дека нивните деца се ангелчиња на училиште, а чудовишта дома, но што ако е обратно? Според клиничкиот психолог Емили Едлин, може да има повеќе објаснувања. На пример, може да е само знак на бунтовен дух, што не е лошо. „Охрабрувајте го преиспитувањето на правилата и нормите, но практикувајте како да го правите тоа на љубопитен начин со почит, наместо да дојде до непочитување на авторитетни фигури“, вели Едлин. Може да биде и индикација дека училницата не е место каде што детето се вклопува, односно дека му е здодевно, заостанува или се бори со голема промена (од градинка во прво одделение, на пример), па тука се бара разговор и со наставникот. Ако тоа не е случај, фрлете поглед на односите на вашето дете – и дома и на училиште, па може да откриете извор на емоции кои го поттикнуваат да се однесува на одреден начин на училиште.
Автор: Стефани Х. Мареј
912