Како што Ковид-19 продолжува да се шири и здравствените власти ја потенцираат важноста на социјалното дистанцирање и на самоизолацијата за да се израмни кривата на вирусот, повеќето родители се прашуваат како да ги исполнат деновите во однос на грижата за децата и активностите.

Затоа, многу ѝ родители се заблагодаруваат на мајката и фотограф Џесика Мекхејл, која направила практичен распоред за нејзиното семејство и го споделила на интернет. Таа не е медицински професионалец или едукатор, но оние што го споделуваат нејзиниот распоред сметаат дека ги содржи најдобрите практики што треба да ги реализираме за време на пандемијата.

– Споделувано е од лекари, наставници и тоа повеќе од 10 илјади пати. Се чувствувам како да добив официјален трофеј за мајка. Го направив распоредот да одговара на возраст на моите деца и моето семејство, па може да го користите како појдовна точка за креирање и на вашиот. Сè што можеме да направиме е да си помагаме меѓусебно за она што ни претстои – напишала Мекхејл на својата фејсбук-страница

Таа ги поставила семејните прошетки пред училишната работа и вметнала периоди исполнети со креативност. Исто така, ограничени се дигитални уреди и одредено е време за учење.

Според Центрите за контрола на зарази, еден начин за одржување на контролата и помагање на децата да научат е создавањето структура. Структурата се креира од конзистентни рутини и правила. Правилата ги учат децата кое однесување е во ред, а кое не. Рутините ги учат децата што да очекуваат во текот на денот.
Објавата на Џесика им помага на многу семејства за да се охрабрат. Малку е тешко во почетокот, но држењето до распоредот ќе им олесни и на децата и на родителите.

Вака изгледа распоредот:

Пред 9 часот – будење – појадок, местење на креветот, облекување, ставање на пижамите во машина за перење.

Од 9 до 10 часот – утринска прошетка – Семејна прошетка со кучето. Јога ако врне.

Од 10 до 11 часот – учење – без електроника. Книги, карти, учебници, списанија.

Од 11 до 12 часот – креативно време – лего-коцки, цртање, пуштање музика, готвење, печење…

12 часот – ручек

12:30 часот – рутина – бришење на кујнската маса и столовите, бришење на кваките, светилките и бироата. Бришење на двете бањи – тоалети и лавабоа.

Од 13 до 14:30 часот  – време за тишина – читање, сложувалки, дремка.

Од 14:30 до 16 часот  – електроника – Игри на „ајпад“, едукациски содржини и програми.

Од 16 до 17 часот – попладневен свеж воздух – возење велосипед, шетање на кучето, играње на отворено.

Од 17 до 18 часот – вечера

Од 18 до 20 часот – гледање телевизија – туширање на децата

20 часот – време за спиење на сите деца

21 часот – време за спиење на сите деца што ја следат дневната рутина и не се спротивставуваат

 

Made this schedule to keep myself and my family sane through the unprecedented weeks ahead. Funny how everything works…

Posted by Jessica McHale Photography on Friday, 13 March 2020

 

Автор: Хедер Марко



912

X