Селфи на една мајка од нејзиното породување ја открива реакцијата на таткото
Родилната сала навистина е место за паметење, како за мајката така и за таткото на бебето (ако е присутен на породувањето), а и за медицинскиот персонал. Иако некои мајки сакаат што побрзо да ги заборават моментите поминати во родилната сала, голем дел од нив доживуваат и забавни и смешни моменти што главно не успеваат да останат забележани од камерата.
За среќа, оваа мајка успеа да направи селфи од операционата сала, непосредно по царскиот рез – а фотографијата го воодушеви светот.
На фотографијата мајката е во болничка облека со капа на главата, со насмеано лице прави селфи, а во заднина се гледа доста смешна ситуација – новопечениот татко лежи на под, очигледно без свест поради најголемото возбудување во животот. Секако, можеме само да претпоставуваме зошто ја изгубил свеста.
Фотографијата заработи многу коментари во кои луѓето се шегуваат на негова сметка.
