Екипи на Општина Аеродром утринава ги поправаат оштетените детски игралишта што викендов беа цел на вандалски чин, информираат оттаму.

Најголема штета е забележана на детското игралиште во населбата Лисиче, во непосредна близина на крстот, а оштетени се и новопоставената новогодишна елка во населбата Мичурин и други украси на повеќе локации.

Изминатите месеци вандали уништија реквизити и на други детски игралишта во Општина Аеродром, а беа запалени и повеќе контејнери.
– Сите случаи се пријавени во полиција – велат од Општината.

Фото: Општина Аеродром