Американката Сара ја заменила Калифорнија со Хрватска. Таа го обиколила светот со нејзиниот британски сопруг бидејќи тој не можел да добие американска виза. Во 2020 година тие ја посетиле Хрватска, каде што купиле стан и решиле да го реновираат, а потоа да го продадат и да се преселат во Португалија. Откако не успеале да добијат виза и за таа земја, решиле да останат во Хрватска.

-Со текот на времето најдовме пријатели и се вљубивме во Хрватска. Така сфативме дека веќе не ни е желба да се преселиме и останавме овде – рекла Сара во видеото што го објави на „Тик-ток“.

Сара е мајка на две мали деца и неодамна ги кажала причините зошто ужива да ги одгледува децата во Хрватска.

-Многу кафулиња имаат паркови, па возрасните можат да уживаат во пиењето кафе со пријателите додека децата си играат – изјавила таа.

@sarahmiche11e_ Here are a few reasons why i love raising my girls in croatia 🥰 #fyp #travel #expat #toddlermom #croatia #momlife #singlemomlife #travelfamily #travelmom #travelingtoddlers #travelentertainment ♬ Soak up the Sun – Homegrown Peaches

Ѝ се допаѓа и тоа што може да патува, бидејќи сите градови се на неколку часа возење од Загреб.

-Приморскиот брег на Сплит е безбедно и забавно место каде што можете да дојдете со деца, да возите велосипед, да уживате во глетката и да ги нахраните птиците – додала таа.

Вели и дека Хрватска е безбедна земја.

-Понекогаш не гледам каде е моето дете и тоа е во ред – смета Сара.

За крај, таа вели дека плажите се мирни и убави, а децата можат да пливаат без страв од бранови.

Извор