Ако времето е добро, секогаш е позабавно детето да го вози велосипедот на пат кон училиште. Исто така, тоа е добра физичка активност. Но, со сѐ погустиот сообраќај и агресивните возачи може да биде страшно искуство за родителите да ги остават децата да возат велосипед кога одат на часови.

Во Барселона има едноставен, но паметен начин децата да ги возат велосипедите безбедно кон училиштата. Тие тоа го нарекуваат „велобус“ или велосипед-автобус. „Автобусот“ се состои од карван на деца кои возат кон училиште, а некои родители се во улога на придружници и лидери на карванот.

Something special is happening in Barcelona. It started last month when some parents organized a bike ride to school for just five kids. Now entire neighborhoods are joining. They call it Bicibús – or Bike Bus. pic.twitter.com/qIxsQEervG

— Zach Klein (@zachklein) October 18, 2021

Како функционира?

На почетокот од секоја недела организаторите ја објавуваат маршрутата за родителите да можат да ги донесат своите деца да се приклучат во возењето. Возењето не се однесува само за едно училиште, туку за неколку во одредена област. На тој начин децата од различни училишта може заедно да се возат на безбеден начин и да пристигнат до училишните клупи.

Moltes gràcies famílies per haver participat en el #bicibus d'avui. Estem molt contentes de retrobar-nos amb vosaltres cada divendres i veure cada cop noves famílies que s'animen a participar-hi.#Bicivendres a l'escola i a la feina!#OmplimDeBicisLesEscoles pic.twitter.com/E9h3BJcFmM

— Bicibús Eixample (@bicibuseixample) October 15, 2021

Прифаќање

Полицијата го охрабрила потегот за велосипед-автобус за пробен период од 2 недели. Потоа рекле дека оваа акција мора да престане. Но, родителите на децата инсистирале да продолжат, па полицијата прифатила да обезбеди придружба до крајот на годинава. Не е познато што ќе се случува потоа, но има надеж дека ќе продолжи убавата идеја и нејзината реализација.

Автор: Мет Хансен

Извор