Без оглед дали доаѓаат од пријатели или од непознати луѓе што им мислат добро, овие реченици ги вознемируваат мајките кога станува збор за родителството.

Мајките анкетирани од веб-страницата „Parents.com“ велат дека најнеомилени зборови им се „женичка“ и „маженце“, како и тоа кога некој ќе им каже „секое бебе е различно“. Секако, тука спаѓаат и сите оние совети од пријатели и непознати луѓе.

Следниот пат кога некој ќе ве изнервира со вакви реченици, знајте дека не сте сами.

„Мајка што работи“ – Никој никогаш не вели „татко што работи“ – Реби Л.

„Зрелост“ – Каде и да одам, гледам пораки дека „зрелоста“ е тешка. Зошто ја правиме зрелоста нешто негативно што нашите деца не сакаат да го достигнат токму затоа што е тешко? – Ејми Карни.

„Кога луѓето велат дека мажот ‘ги чува’ сопствените деца“ – Не, не ги чува децата, тој им е родител на децата – Криси Џ.

„Женичке“ – Оваа фраза ме полудува – Анџела Х.

„Семејство од милион долари“ – Само што родив момче, а веќе имам девојче. Сега сите ни кажуваат дека сме „семејство од милион долари“, што значи дека сме совршено семејство: двајца родители и едно момче и едно девојче. Толку застарена изрека што во основа го навредува секој друг вид семејство – Кристина Бел

„Секое бебе е различно“ – Се чини дека секој совет што ќе го добијам од медицински професионалец завршува со: „Но, секое бебе е различно“. Ова е причината зошто никој нема совршен одговор за тоа како да го натерате вашето бебе да спие, да јаде и сите други мистерии – Кели Дојл.

„Кога некој вели дека одгледувањето деца е негова ‘работа’ – Не дека не е напорна работа. Но, одгледувањето деца и работата не се исти – Џен Б.

„Бесценети бебиња“ – Не е проблем кога луѓето зборуваат за своите бебиња и не ми пречи кога ќе ги наречат „бесценети“, но кога зборуваат за нивните „бесценети бебиња“, ме полудува – Мери Т.

Извор