Дали сте еден од оние родители што одвреме-навреме ги насмевнуваат или ги засрамуваат своите деца? Не грижете се, сите ние поминуваме низ тоа! Додека се мали, вашите деца ве гледаат како свој херој, но како што растат, одеднаш станувате „најнезгодната личност на светот“. Познато, нели?

Еден ден сте нивниот најдобар пријател, а следниот момент ве молат да ги оставите зад аголот на училиштето за да не ги видат со вас.

Но, поради кои работи вашето дете може да се срами од вас? Некогаш правиме мали трикови само за да ги насмееме (или, пак, да ги натераме да се чувствуваат непријатно), но најчесто тоа се случува кога едноставно ги живееме нашите животи.

Неодамнешна анкета спроведена од „Нетфликс“, по повод новиот филм „Назад во акција“ (англ. Back in Action) со Џејми Фокс и Камерон Дијаз, откри дека огромно мнозинство од тинејџерите (89 отсто) мислат дека нивните родители се непријатни.

Интересно е тоа што анкетата покажала дека често ги сметаат татковците за „непопуларни“ родители. Повеќе од половина од испитаниците (54 отсто) сметаат дека нивните татковци воопшто не се кул, додека 46 отсто сметаат дека нивните мајки се помалку непријатни.

Што точно ве става во категоријата „непопуларен родител“? Еве неколку работи што тинејџерите ги сметаат за најнепријатни:

1. Се обидувате да повторувате танцови чекори од „Тик-ток“.
2. Користите тинејџерски жаргон (и веројатно го користите погрешно).
3. Се трудите да оставите добар впечаток кај другарите на вашето дете.
4. Ги бакнувате вашите деца пред нивните пријатели.
5. Ги додавате за пријатели неговите другари на социјалните мрежи.
6. Го бакнувате партнерот во јавност.
7. Носите тесни фармерки.
8. Одите во кафулиња во кои вашето дете и неговите пријатели излегуваат.
9. Позајмувате облека од вашето дете.

Извор