Да се биде родител не е лесно. Тоа е љубов која бара огромна посветеност и многу жртви. Ако вашите родители вистински ве сакале, сигурно се откажале од многу нешта за да ви обезбедат убаво детство.

Сон – Родителите на новороденчиња добро знаат што значи ненаспаност. Бебињата немаат утврден ритам на спиење, па ноќите често поминуваат во будење и хранење. Дури и кога ќе пораснете, вашите родители веројатно многу ноќи поминале будни грижејќи се за вас, без оглед дали сте имале лош сон или сте барале уште една приказна пред спиење.

Време за себе – Кога сте дете, родителите речиси целосно се посветени на вас. Нивното слободно време исчезнува и тие добиваат различни улоги: од готвачи, таксисти до советници и постојано одговараат на вашите бескрајни прашања.

Мир – Кога се станува родител, мирот се заменува со хаос создаден од детската смеа, плач, играчки насекаде и бескрајни грижи. Од ситни и неважни грижи за тоа дали ќе ги обуете чевлите на правилната нога до големи грижи за тоа како да ве заштитат од светот.

Пари за себе – Одгледувањето деца е скапо. Освен основните трошоци како храна и облека, родителите инвестираат и во вашето образование, спортови, уметнички активности со цел да ви овозможат што подобра иднина.

Друштвен живот – Пријателствата се сведуваат на запознавање со родители на вашите другари, а ноќните излегувања се заменуваат со детски родендени. Вашите родители можеби се откажаа од сопствениот социјален живот за да ви овозможат среќно детство.

Сопствени соништа – Многу родители ги ставаат своите кариери и амбиции во втор план за да бидат до вас. Можеби не отидоа на патувањето од соништата, но затоа ве однесооа во забавен парк.

Спонтаност – Животот со дете значи добро испланиран ден, од училиште до активности, од ручек до попладневна дремка. Вашите родители веројатно го испланирале секој ваш ден, додека нивните спонтани планови останале во минатото.

Сигурноста на работното место – Многу родители прават компромиси со кариерата за да можат да поминуваат повеќе време со вас. Некои дури и се откажуваат од работата или преминуваат на пофлексибилни опции за да ви бидат на располагање.

Уреден дом – Пред да дојдете на свет, можеби вашиот дом бил стилски уреден, но со вашето растење, наместо декорации, насекаде имало играчки и детски цртежи. Вашите родители се помириле со хаосот затоа што знаеле дека тоа значи дека вие сте среќни.

Извор