Првите чекори на бебето ќе останат запишани во вашата меморија засекогаш. Тоа е една од оние пресвртници на кои секогаш ќе се сеќавате, но тешко е да се дочека како момент. Мора да запомните дека бебињата се различни и секое од нив ќе почне да оди кога ќе биде подготвено. Сепак, ова треба да се случи околу првиот роденден на бебето. Додека едно бебе ќе оди на 11 месеци, друго може да почека неколку месеци по својот роденден.

Меѓутоа, доколку бебето не оди ниту на 16 месеци, консултирајте се со педијатар. Првите чекори на бебето ќе бидат несмасни и неизвесни, па затоа е добро да сте во близина и да му ја дадете потребната сигурност.

Знаци дека бебето наскоро ќе прооди:

-Се крева самото во стоечка положба
-Стои додека си игра
-Стои без потпирање или поддршка

Како да се поттикне одењето?

Одењето почнува кога бебето се чувствува удобно на своите нозе. Охрабрете го вашето бебе да игра стоејќи. Оставете го да стои без поддршка, а поттикнете го на тоа така што ќе му дадете играчки во двете раце додека стои.

Кога бебињата се стабилни на нозе, време е за нов предизвик. Можете да ги поттикнете да преземаат мали чекори на мали растојанија. Ако сакате да ги поддржите во овој период, држете ги за подрачјето каде што се ребрата, наместо за рацете, за да ја поттикнете употребата на мускулите на јадрото.

Папучи или чевли?

Ниту едно! Но, добро, сè зависи од моменталните услови, односно од годишното време и од областа каде што се наоѓа бебето. Најдобрата опција е дефинитивно да го оставите бебето да оди босо. Ако тоа не ви е опција, најдобро е да му облечете папучи во кои бебето ќе се чувствува како да е босо.

„Дали треба да се плашам од паѓање?“

Одговорот е „не“. Првите чекори на бебето ќе бидат несмасни и во првиот период бебето сигурно ќе падне. Но, децата треба да научат да паѓаат. За да ги заштитите, проверете да нема ништо остро или опасно во областа во која се наоѓаат и останете блиску до нив додека не ги совладаат основните работи.

На што треба да внимавам?

Одење на прсти – Некои деца стапнуваат на прсти поради слаб мускулен тонус, скратена или затегната Ахилова тетива или едноставно поради навика.

Враќање на ползењето – Некои бебиња по експериментирањето ќе се вратат на ползењето. Можеби прават неколку чекори, а потоа избираат ползење како начин на движење. За да ги поттикнете да одат во секој случај, скратете го растојанието што го барате од нив.

Извор