Бидејќи е речиси невозможно да се одреди точниот момент на зачнување, 40 недели од бременоста всушност се бројат од првиот ден од последната менструација. На овој начин се определува и датумот на породување, имајќи го предвид евентуалното отстапување од две недели пред или по рокот, што сепак се смета за нормално.

Зачнувањето ќе се случи во моментот на овулацијата, околу две недели по почетокот на последната менструација, а сигурно ќе знаете дека сте бремени дури по отсуството на следната менструација, која, според овој метод на пресметка, е веќе четвртата или петтата недела од бременоста. Ако планирате бременост, ова е вистинско време да почнете да се подготвувате за тој нов, важен животен период. Почнете повеќе да се грижите за вашето здравје. Хранете се поздраво, размислете за земање фолна киселина и други додатоци во исхраната за трудниците и дефинитивно исфрлете ги од вашиот живот алкохолот, цигарите и сите видови лекови. Ако земате какви било лекови, проверете дали се безбедни за време на бременоста.

Фолната киселина придонесува за растот на мајчиното ткиво за време на бременоста и за нормална синтеза на аминокиселини и нормално формирање на крвта. Дополнителниот внес на фолна киселина го зголемува нивото на фолати кај мајката, додека ниските нивоа на фолати кај мајката се фактор на ризик за развој на дефекти на невралната туба кај фетусот во развој.

Вашиот датум на породување ќе се пресметува врз основа на првиот ден од вашата последна менструација. Зачнувањето се случува околу две недели од тој ден и тогаш навистина може да се сметате за бремени.

Извор