Има ли поубав начин да се прослави нечиј роденден отколку со песна? И тоа роденденска! Композиторот Ангел Ќосев и актерката Слаѓана Вујошевиќ ја создадоа песната специјално за нашата детска публика и ја снимија во студиото „Подрум“ во Скопје. Песничката ќе ја промовираме утре од 17:30 часот на нашиот штанд на Саемот на книгата.

Половина час подоцна ќе следува претпремиерата на сказната „Најнеобичен ден – на Биби роденден!“

Автор на сказната е Билјана Црвенковска, а арт-директор е Михајло Димитриевски-Тхе Мичо. Режисер на сказната е Гоце Цветановски.

Во 18:30 часот ќе ги доделиме наградите од конкурсот „Роденден на Биби“. Добивме прекрасни цртежи на тема роденденот на Биби кои го красат нашиот штанд на Саемот на книгата.