Три недели по прославата на Нова година пристигна првороденото бебе во Општина Виница за 2020 година. Станува збор за девојче кое веќе го доби името Калина, а на свет ја донесе мајката Симона Соколова, која се породила во болницата во Штип.

За новата рожба, која е втора ќерка во семејството Соколови, им честита градоначалникот на Виница, Ивица Димитров, при што врачи пригодни подароци со желби за здравје и среќа на бебето.

– Се надеваме дека првороденото женско бебе годинава во нашата општина ќе донесе плодност и бериќет. Тоа е повеќе од неопходно со оглед на постојаното опаѓање на наталитетот – истакна градоначалникот Димитров.

Главна причина за падот на наталитетот во Виничко во изминатите две децении е иселувањето на населението во странство.