Природни начини што ќе ви помогнат да произведувате повеќе мајчино млеко
Доењето обезбедува многу придобивки за вас и за вашето бебе. Мајчиното млеко ги задоволува сите нутритивни потреби на вашето бебе, обезбедува антитела кои помагаат во одбраната од инфекции и штити од алергии, астма и дебелина. Овој чин го штити вашето бебе од рак во детството – и го намалува ризикот од рак на дојка и на јајчници – а доењето може да ви помогне побрзо да ја намалите тежината што сте ја добиле во текот на бременоста. Исто така, може да го намали стресот и да го подобри вашето расположение.
Но, доењето не е секогаш лесно – и создавањето доволно мајчино млеко може да биде проблем. Најчестите причини за слабото снабдување се несоодветниот внес на храна и течности, замор, високи нивоа на стрес и преретко доење на бебето или само во кратки временски периоди.
Ви нудиме неколку совети за да го зголемите снабдувањето со мајчино млеко.
1. Јадете здрава антиинфламаторна исхрана – Оваа здрава исхрана е богата со овошје и зеленчук, цели зрна како кафеав ориз, храна богата со омега-3 како лосос и ленено семе и растителни протеини, и тоа околу 2.500 калории дневно.
2. Пијте многу вода – Вашето тело не може да направи млеко ако сте дехидрирани. И ви треба повеќе вода отколку што веројатно мислите – покрај осумте чаши препорачани од докторот дневно, треба да додадете уште четири чаши.
3. Спијте секогаш кога е можно – Обидете се да спиете колку што можете подолго и да дремнувате во текот на денот кога бебето спие.
4. Најдете начини за намалување на стресот – Редовно практикувајте здрави техники за намалување на стресот, како што се техники за дишење.
5. Побарајте помош и прифатете помош – Побарајте помош од семејството и пријателите за домашните обврски за да можете да се фокусирате на хранење на вашето бебе и малку одмор.
6. Често дојте го бебето – Колку почесто и колку подолго вашето бебе цица, толку повеќе млеко ќе произведувате. Консултант за лактација може да ве научи на најдобрите техники и позиции што ќе ви помогнат вам и на вашето бебе да извлечете максимум од доењето.
7. Проверете неколку природни начини – Чаша овесна каша дневно е традиционален засилувач на млеко што е исто така добро за вас.
