Метеоролог најавува прогноза за студено време. Но, таа со себе донела и специјален гостин кој им ги стопи срцата на гледачите, а сега видеото од нејзиното известување е вирално.

Ребека Шулд, метеоролог за компанијата „CBS Milwaukee“, со својата ќерка Фиона (накратко Фифи), стара 13 недели, направи преслатко појавување во етерот. На мапата зад Шулд биле прикажани температури од кои дури и Снешко ќе се тресе од студ – на некои места живата е падната под 0 степени – но малата Фифи успеала да остави впечаток на топлина.

„Таа е подготвена“, рекла Шулд. „Има со себе едно од нејзините убави дебели ќебиња за студеното време кое пристига вечерва.“ Иако некои луѓе може да бидат нервозни под силните светла во телевизиско студио, Фиона е многу опуштена. „Таа е прилично рамнодушна во врска со оваа прогноза“, се шегува Шулд. Таа започнала да ги кажува и другите температури во одредени места, додека ја нишка Фиона, која не мрднува додека нејзината мајка ја работи својата работа.

Откако кажала некои од ниските тековни температури, Шулд направила брза пауза за да се извини за Фифи, велејќи: „Таа штотуку се разбуди од дремката.“ Потоа, продолжува со работа кажувајќи повеќе локални температури.

Meteorologist Rebecca Schuld, of CBS Milwaukee affiliate WDJT, brought her 13-week-old daughter Fiona on-air for a sweet moment during her forecast. https://t.co/IdXfeFYVDF pic.twitter.com/w9kV6oRBWC

— CBS News (@CBSNews) February 3, 2022

Очекувано, ова видео станало вистински хит. Медиумот го објави видеото на „Твитер“ и доби скоро 12 илјади прегледи. Шулд неодамна твитнала: „Потенцираме како всушност изгледа вистинскиот живот, обидувајќи се да постигнеме сѐ и да прикажеме како ковид-19 го промени начинот на кој работиме. И успеваме секој ден.“

Извор