Воспитувањето на децата да бидат среќни во денешниот свет во кој преовладува технологијата не е невозможно.
Ова се совети што можат да ви помогнат да одгледате среќно дете во дигиталнава ера.

1. Бидете цврсти во вашиот став

Комбинацијата на цврстина и отпорност ви помага да продолжите напред и покрај разочарувањата и игра важна улога во чувството на задоволство. На училиште, онлајн, па дури и со пријателите, децата чувствуваат дека се под притисок да постигнат нешто уште при првиот обид. Наместо тоа, воведете го она што се нарекува развоен менталитет, процес на обид, неуспех и учење од грешките. Кога ќе се почувствуваат поразени, нивниот внатрешен глас ќе каже: -Ќе успееш!

2. Негувајте го нивното чувство за самопочит

Лајковите, коментарите и другите индикатори за онлајн-статусот се дел од животот на социјалните медиуми. Но проблемот настанува кога детето кое има природна љубопитност за тоа што другите мислат за него, почнува да има штетна фиксација на знаците за одобрување од страна на врсниците. Таа фиксација може да предизвика депресија. Можете да му помогнете на детето негувајќи го неговото внатрешно чувство на самопочит. Поттикнете активности и хобија што на детето ќе му дадат чувство на реализирање под сопствени услови.

3. Бидете благодарни

Благодарноста е веќе испробан начин што води до посилно чувство на среќа. Можете да ги користите медиумите и технологиите за да го негувате чувството на благодарност. Погледнете веб-страници и апликации што на децата ќе им овозможат да помогнат светот да стане подобро место. Гледајте емисии и филмови што инспирираат благодарност. Дома создајте култура на благодарност и разговарајте за она за што сте благодарни.

4. Излегувајте надвор

Престојот во природа е научно докажан начин за зголемување на задоволството. Ако ви треба инспирација, гледајте филмови за природа или преземете апликации што поттикнуваат истражување на отворено. Или едноставно, спуштете го телефонот, затворете го лаптопот, исклучете го телевизорот и одете на прошетка.

5. Поврзете се со детето

Во дигиталната ера децата можат да создадат нови пријателства и да ги зајакнат постојните врски онлајн, без оглед дали станува збор за игра, лајкови на „Инстаграм“ или скап видеоповик со баба и дедо. Но најсреќните луѓе се оние што постојано наоѓаат рамнотежа помеѓу екраните и другиот дел од животот. Ние, возрасните, треба да бидеме пример за здрави навики. Затоа, најдете слободно време и тргнете се од телевизорот. Исклучете сѐ за да можете да го слушнете семејството без никој да ви пречи. Секако, уживајте заедно во медиумите, но поставете граници за да не пречат во интеракцијата помеѓу вас.