Дебатата што постојано ја водат родителите е дали треба да им дозволат на своите деца да имаат мобилни телефони и, ако им дозволат, кога да им ги дадат. Терапевтот Сари Тејлор вели дека родителите често се соочуваат со оваа дилема бидејќи пријателите на нивните деца имаат мобилни телефони или едноставно сакаат дополнителна безбедност за децата кога тие ќе почнат сами да излегуваат. Сепак, постојат одредени работи кои треба да се земат предвид.

-Важно е да се признае дека секое дете е различно и дека секој родител има право да донесува одлуки и да ги поддржува своите деца, на начин кој одговара на неговото семејство, без осудување – изјавила Сари.

Таа нагласила дека премногу често, доколку родителите ги забранат мобилните телефони, младите наоѓаат начин сепак да се конектираат. Затоа, подобро е да соработувате со нив и да им помогнете да се справат со проблемите на кои неизбежно ќе наидат наместо да се борите против нив.

Ова се советите што Сари им ги дава на родителите:

-Помогнете им на децата да изградат самодоверба и самопочит за да бидат подобри во одржувањето на сопствените граници.
-Научете ги на социјален бонтон и како да комуницираат со помош на мобилен телефон. Клучот е да се поттикне отворена комуникација со децата за да знаат дека можат да се обратат кај нивните родители доколку нешто се случи и им треба поддршка.
-Обидете се да ги видите работите од нивна перспектива. Терапевтот посочува дека родителите треба да ги заштитат своите деца и да го имаат последниот збор, но комуникацијата би била подобра доколку децата се вклучени во некои одлуки. Ова е важно ако родителите се обидуваат да поттикнат независност и одговорност, важен дел од растењето.
-Вежбајте го тоа што го кажувате: Учењето на децата за границите и ограничувањата, исто така, може да биде добро ресетирање за родителите – заклучува терапевтот.

Извор