Потрес на мозокот кај дете: Кои се симптомите и како да го препознаете?
Потрес на мозокот кај децата се јавува како резултат на трауматска повреда на главата, која може да варира од блага до тешка. Според клиниката „Мајо“, потрес на мозокот во повеќето случаи се јавува по силен удар во главата. Повеќето потреси се предизвикани од спортска повреда на главата, која може да биде предизвикана од директен удар во главата, лицето или телото.
Но, како да препознаете дека се работи за потрес на мозокот, а не само за лесна повреда на главата за која не е потребен лекарски преглед? Како што објаснуваат педијатрите, симптомите на потрес на мозокот може да бидат:
-главоболка или непријатно чувство на притисок во главата
-нерамномерни зеници
-мачнина или повраќање
-проблеми со рамнотежата
-вртоглавица
-двоен или заматен вид
-чувствителност на светлина или бучава
-чувство на ненадеен умор, летаргичност
-проблеми со меморијата или концентрацијата
-конфузија
-бавност во разбирањето и одговарањето на прашањата
-проблеми со спиењето
-промени во расположението
-раздразливост
-промени во однесувањето.
Ако потресот на мозокот не се препознае навреме, може да има сериозни последици, како губење на свеста, отекување на мозокот, крвавење, па дури и кома. Токму затоа, предупредуваат педијатрите, од исклучителна важност е да се следи детето по секој удар во главата за да се спречат опасните последици.
