Децата најмногу од сè ги сакаат љубовта и прифаќањето од нивните родители. Тие сакаат да се вклопат и да бидат гледани како вредни личности. За жал, родителот кој постојано критикува сè што прави детето, може негативно да влијае врз неговото ментално здравје во зрелоста и да ја промени неговата перспектива кон себе и кон надворешниот свет. Експертите тврдат дека знаците подолу покажуваат оти сте одгледани од родител што премногу критикува.

Постојано се извинувате

И да сте невини, се извинувате. Имате чувство дека сите го очекуваат тоа од вас. Ова е можна последица на критиките на кои сте биле изложени во детството.

Се каете и за најмалата грешка

Секому му се случуваат грешки, а ако претерано жалите за нив и се чувствувате како целосен неуспех, можеби сте одгледани од родител што критикува.

Се стремите кон совршенство

Несакан ефект на родителите што критикуваат е перфекционизмот. Ќе развиете стратегија за справување за да се обидете да направите сè совршено, затоа што често сте биле занемарувани. За жал, ова нема да ви помогне бидејќи совршенството не постои и ништо нема да го задоволи оној што е многу критичен.

Не верувате во себе

Постојаната критика во раното детство може да влијае врз вашите мисли, чувства и однесување. Ако не си верувате, тоа е уште една можна последица од воспитувањето со критикување.

Извор



912

X