Измислувањето последици за децата што функционираат не е секогаш лесно, особено кога сте во жарот на моментот и треба вашите деца да го направат она што го барате од нив (по можност без викање).

Треба да најдете нешто што ќе функционира и да се држите до тоа, ако сакате да се промени однесувањето.

Сигурно многу пати сте измислиле луди последици: „Ако не го направиш тоа, нема да одиме на плажа“ или „Ако го слушнам тоа уште еднаш, нема гледање телевизија цела недела“.

Ова не се работи што сакаме да ги направиме. Тогаш, зошто ги кажуваме? Затоа што сме во жарот на моментот. Честопати, не ги следиме последиците затоа што сфаќаме дека се премногу сурови за да ги реализираме. Сфаќаме дека сме реагирале многу бурно.

Можеби ќе сфатиме дека со казнување на однесувањето го казнуваме цело семејство (со неодење на излет, кино и слично).

Проблемот е во тоа што родителите или наставниците кои не ги следат последиците со кои се заканиле може да ги остават децата со идејата дека: мама и тато нема да преземат ништо.

Иако е важно да се исполни она што ќе се каже, постојат моменти кога треба да сфатиме дека сме реагирале премногу бурно и треба да разговараме со нашето дете.

Важно е да се напомене дека ако реагирате многу бурно, не плашете се да разговарате со вашето дете. Покажете му дека и вие правите грешки. Ова може да биде одлична лекција за учење.

„Бурно реагирав и кажав некои работи што не ги мислев, како на пример кога ти реков дека не може да одиш никаде една недела“. Вашето дете може да научи од вашиот пример.

Постојат три опции

Ако ги замолите да направат нешто (да ја исчистат собата), а ве игнорираат, имате три опции:

1. Да се вознемирите и да ја изгубите контролата;

2. Вие да ја завршите задачата затоа што така е полесно;

3. Едноставниот совет што ќе го прочитате во продолжение.

Како почна?

Дојдов до оваа идеја поради една ситуација во која се најдов во текот на факултетските денови. Бев на час по комуникации и дискутиравме за компаниите: шефот и вработените. Нашата прва дискусија беше за тоа што можат да направат работодавците за нивниот персонал да се придржува до одредени правила на работа.

Традиционални начини:

1. Им кажувате што да прават;

2. Споделувајте што прават другите бизниси;

3. Разговор за последиците од нивниот шеф/работодавец.

Подобрата идеја

Мојот професор понуди друго решение: што ако вработените дојдат до тие последици? Нивни сопствени последици? Да, создавањето сопствени последици всушност функционира.

Замислете го ова сценарио: Предавална полна со студенти, со професор подготвен да ги научи. Телефоните на студентите почнуваат да ѕвонат. Тие постојано ѕвонат во текот на предавањето. Професорот станува и вели: „Иако треба да ги исклучите телефоните за време на предавањето, повеќето од вас забораваат“. Потоа тој прашува: „Што мислите дека треба да се случи со некого ако не го исклучи телефонот за време на предавањето?“

Студентите размислувале. Направиле листи. Разговарале и дошле до една идеја: Морале да се качат на клупа и да почнат да ја пеат песната „I’m a little tea pot“.

Резултатите

Само на едно лице му заѕвонило телефонот тој семестар. Значи експериментот успеал. Самите студенти создале последица и точно знаеле што ќе се случи ако ги прекршат правилата.

Зошто функционира?

Функционира затоа што се вклучени. Тие помагаат во создавањето на идејата. Полесно ќе ја запомнат.

Така, можете да дојдете до идеја заедно со вашите деца.

– Ако го прекршиш правилото, ова се случува. Нема прашања, нема преговори – кажете им на вашите деца.

Кажете им на децата што очекувате од нив. Дали треба да направат нешто што е соодветно за нивната возраст? Дали треба да престанат да се расправаат со браќата и сестрите? Што и да е, разговарајте за однесувањето.

– Објаснете ја разликата помеѓу доброто и лошото однесување;

– Објаснете што е прифатливо, а што не;

– Дајте пример за разликата помеѓу позитивното и негативното однесување;

– Децата треба да ги разберат правилата;

– Децата треба точно да знаат како изгледа лошото однесување за да разберат како да ги избегнат последиците.

Последен чекор: бидете доследни

Ако сакате да видите промена на долг рок, ќе треба да научите да бидете доследни.

Потребни се три дена да се прекине лошата навика и 21 ден за да се создаде нова. Ќе биде вистински предизвик, но доследноста во текот на тие први три дена ќе биде клучна компонента за создавање подобро однесување.

Извор