Патронажните сестри се соочуваат со нови предизвици секој ден. Постојано се на терен, ги посетуваат домовите, а како што истакнува Бранка Пуѓа, медицинска сестра во Здравствениот дом во Рума, Србија, најголемиот дел од нивната работа е со мајките.

Работењето во патронажа значи дека семејството ве пушта во нивниот дом, да присуствувате на нивните најинтимни и најсреќни моменти. Покрај стравот што го имаат новите родители, и медицинските сестри се прашуваат и дали ќе бидат подготвени да одговорат на сите задачи што им претстојат и дали ќе ја добијат вашата доверба.

„Работата на патронажна сестра во посета е многу одговорна. Иако првата средба со идните родители ја имаме во Школата за родителство, каде што се дружиме и ги запознаваме идните мајки и татковци со предизвиците, тие со нетрпение нè очекуваат во домовите“, вели патронажната сестра Бранка од Србија.

Покрај многу работи што родителите ги учат во школите за родители, кога ќе добијат бебе и ќе помине првата радост, почнуваат и првите стравови, нервози и голема одговорност. Затоа е важно патронажните сестри кои доаѓаат во посета да ги охрабруваат и да ги поттикнат новите мајки и татковци во нивните први посети, за нивните малечки да се среќни и задоволни.

Родителите едвај чекаат да ги посети патронажна сестра. При посетите на новото семејство, патронажните сестри им покажуваат сѐ што новите мајки и татковци ги интересира за нивното бебе и им влеваат доверба дека можат да ја исполнат најубавата, но и најтешката улога, улогата на родители.

Извор