Терапевтот Девон Кејли пораснала со емоционално недостапни родители. Врз основа на сопственото искуство, таа ги наведува знаците по кои можеме да ги препознаеме таквите луѓе.

-Ако не сум направила нешто за да ја заслужам вашата наклонетост, нема да ви верувам дека сте искрени со мене. Целосно социјално ќе се изолирам секојпат кога ќе почувствувам непријатна емоција“, рекла таа во виралното видео што го објави на „Тик-ток“.

Девон тврди дека толку многу го совладала перфекционизмот што никој не мора да се грижи за неа или нејзините потреби. Поради тоа, често се одвојува од луѓето бидејќи мисли дека ѝ е доволно да биде сама.

-Емоционално недостапните родители се одвоени од сопствените емоции, се борат со регулирање на сопствените емоции и не можат да бидат присутни на емотивно интимен начин. Можеме да ги наречеме и емотивно незрели родители – изјавила таа.

Додава дека емоционално недостапниот родител ги задоволува сите основни потреби на своето дете, но можеби нема да може да ги задоволи неговите индивидуални емоционални потреби.

-Ваквото однесување на родителите може да доведе до емоционална депресија која детето ќе ја носи во зрелоста. Недостигот на емоционална ангажираност и интимност се нарекува емоционално запоставување во детството – објаснува Девон.

@devoncaleyy Replying to @Rachel Jenkins but wait, theres more 👀 #perfectionistproblems #emotionallyunavailable #insecureattachment #anxietycheck #anxiousgirl #childhoodemotionalneglect #perfectionist #emotionaldamage #mentalhealthmatters #intergenerationaltrauma #therapyhumor #psychology ♬ original sound – Devon 🪷

Луѓето што имале емоционално недостапни родители, во зрелоста може да имаат сеќавања на тоа дека нивните родители ги сакале, но и ги обвинувале за сопствениот стрес. Можеби биле пасивно-агресивни или постојано ги туркале децата да им дадат приоритет на потребите на своите родители.

-Секогаш мислев дека имам прилично нормално, идеално детство. Денес знам дека тоа не било така – заклучи терапевтот.

Извор