Секоја мајка знае дека откако ќе се породи, времето што некогаш го имала одеднаш исчезнува. И не станува збор за ден во спа-центар или за лежерна прошетка. Станува збор за едноставниот чин на одење во бањата на мир.

Нешто во врска со глетката на затворената врата од бањата е доволно за вашето дете да биде очајно за вашето внимание.

Едно интересно видео на една мајка ја прикажува реалноста кога мајките се обидуваат да одат во бањата кога нивното дете е дома. Така, таа на „Тик-ток“ објави видео додека е во бањата, надевајќи се на малку мир и тишина. Но, нејзиното дете има други идеи.

– Мамо! Може да те гледам како какаш? – се слуша момчето од другата страна на вратата.

– Сакаш да ме гледаш како какам? – прашува мајката. Кога го прашува зошто би сакал да направи такво нешто, детето дава универзален одговор: – Така.

Таа постојано повторува не, но тој упорно тврди дека е навистина важно да ја гледа. Видеото за брзо време стана вирално на „Тик-ток“ со над 3,2 милиони прегледи, а голем дел од интернет-корисниците велат дека станува збор за видео со кое најмногу можат да се поврзат и поистоветат.

Смешно е тоа што тие навистина сакаат да нè гледаат додека какаме – вели една мајка.

– Мојот син има 9 години и сè уште не можам да одам во бањата на мир. Тој сака да тропа на вратата и да поставува прашања – вели друга.

Извор