По тешката долгогодишната борба со неплодноста, Бригит Нилсен стравувала дали повторно ќе стане мајка. „Ова е најдобриот период во мојот живот”, истакна таа порачувајќи им на жените кои се соочуваат со стерилитет да бидат упорни, истрајни и храбри.
Актерката и моделот од Данска во мај откри дека е бремена со петто бебе и тоа на 54 годишна возраст. Минатиот месец таа ја роди Фрида.
Во интервјуто за магазинот „Пипл“ Нилсен, со слика во рацете од нејзината Фрида нарекувајќи ја „малата принцеза“ вели дека таа и нејзиниот сопруг се обидувале повеќе од една деценија да добијат бебе. Додава и дека вредело долгогодишното чекање и оти не постои поубаво чувство од тоа да се биде мајка.
Нилсен има четири возрасни синови од нејзините претходни врски а најстариот син Џулијан го родила кога имала само 20 години.
За нејзините години таа вели дека сега е поспособна, а помалу фрустрирана и дека воопшто не се плаши од сѐ што ја чека.
912