Длабочина од само 20 сантиметри е доволна за детето да се удави. Мора да го имате ова на ум кога купувате домашен базен од која било големина. Дури и најмалите претставуваат опасност за животот на детето.

Затоа, основното правило е никогаш да не го оставате детето во базен без надзор! Ниту на неколку секунди, бидејќи само толку се потребни за детето да остане без воздух. По капењето, задолжително покријте го базенот или, во случај на помали модели, истурете ја водата од него.

Ако зборуваме за поголеми модели, на пример, монтажни базени, кои имаат цевка за водоснабдување и одводнување, потребно е цевката добро да се исуши и да се внимава да не се оштети за да не стане погодна за ширење разни бактерии. Кога станува збор за инфекции, водата во домашните базени не е хлорирана, па затоа е погодна за развој на разни микроорганизми. Се препорачува редовно да се менува, особено во мали базени на надувување, каде што тоа треба да се прави секојдневно.

Извор