Уставниот суд на Италија одлучи дека на новороденчињата треба да им се дадат презимињата на двајцата родители.

Пресудата ќе ја поништи традицијата на Италија според која сите новороденчиња автоматски го добиваат презимето на нивниот татко.

Судот пресуди дека историската практика е „дискриминаторска и штетна за идентитетот“ на детето и рече дека и двајцата родители треба да можат да го изберат презимето.

– На децата треба да им се даваат презимињата на двајцата родители по редослед за кој тие ќе одлучат, освен ако двајцата се согласат дека нивните деца треба да земат само едно презиме – се вели во соопштението на судот.

Правилото треба да важи и за посвоените деца, додаде судот.

Италијанската министерка за семејство Елена Бонети на нејзиниот фејсбук-профил изјави дека владата целосно ќе го поддржи новиот закон.

– Треба да ѝ дадеме суштина на одлуката и тоа е висок приоритет и итна задача на политиката да го стори тоа – напиша таа.

Папата Франциск и политичките лидери на Италија изразија загриженост за влијанието на падот на наталитетот врз земјата, достигнувајќи го нивното најниско ниво во 2020 година од обединувањето на Италија во 1861 година. Трошоците за одгледување деца се сметаат за еден од главните фактори.

Извор