Владата на денешната седница го прифати предлогот на Комисијата за заразни болести, со кој, од категориите на лица кои се ослободени од работа и работни активности – родителите на деца до 10-годишна возраст, во овој период да се вратат на работните места само родителите на децата кои се вклучени во воспитно-образовниот процес во училиштата, имајќи предвид дека учебната 2019/2020 година е завршена.

-Дополнително, институциите кои за време на претстојните предвремени избори за пратеници во Собранието на Република Северна Македонија имаат зголемен обем на работа во делокругот на нивната надлежност поврзана со изборниот процес, како на пример Основниот и Вишиот управен суд, Државната изборна комисија и други, да ги вратат во редовен работен процес вработените лица во овие институции кои по различни основи се опфатени и ослободени од работни активности со мерките и препораките на Владата со цел непречено извршување на редовните законски надлежности поврзани со активностите во изборниот период – се наведува во соопштението.

Во него се додава и дека на седницата бил утврден Протоколот за работа на Дневните центри за деца и лица со попреченост во услови на епидемија на заразната болест Ковид-19.

Дополнително, Владата го прогласи изборниот ден за неработен заради непречено спроведување на изборниот процес. Во соопштението се наведува дека тој ден потоа нема да се одработува.

Тука можете да ги видите и другите одлуки од денешната седница.

Фото: Vlada.mk



912

X