Мајчинската љубов е еден од најважните столбови на кои се гради детската личност. Кога таа поддршка и топлина ќе изостанат или кога детето ќе порасне со емоционално недостапна или претерано критична мајка, недостигот од таа љубов може да остави трајни последици.

Податоците покажуваат дека дури 85 % од луѓето што страдаат од хронична, ниска самодоверба во зрелата возраст, всушност, ги влечат корените на овој проблем од трауми во детството и односот со родителите. Доколку некој пораснал во средина каде што ја немало потребната мајчинска нежност, во текот на животот најчесто се соочува со следниве шест предизвици.

1. Постојано чувство дека не се доволно добри

Растењето покрај мајка која постојано критикува и ретко или никогаш не ги признава успесите на своето дете суштински ја урива детската самодоверба. Ваквите лица ги присвојуваат тие негативни пораки како своја внатрешна вистина.

Студија објавена во списанието за експериментална детска психологија наведува дека оваа траума во зрелоста најчесто се манифестира преку екстремен перфекционизам, постојан страв од неуспех, па дури и депресивни состојби. Неможноста на мајката да го пофали детето често е резултат на нејзината сопствена несигурност, превисоки очекувања или емоционална незрелост.

2. Тешкотии во контролирањето и управувањето со емоциите

Оваа појава е позната како емоционално занемарување во детството. Во друго истражување е докажано дека децата што биле лишени од мајчинско внимание, во зрелата возраст имаат сериозни проблеми со емоционалната регулација. Тоа се манифестира преку:

• Претерана потреба за внимание и одобрување од околината;
• Тешкотии да им се верува на другите луѓе;
• Страв од остварување длабоки и блиски емотивни врски.

3. Хронично чувство на неприпадност

Мајката која покажува доследно негативен став, омаловажување и критика, испраќа порака до детето дека е отфрлено. Како возрасни луѓе, овие лица речиси секаде се чувствуваат како непоканети гости или како никаде вистински да не припаѓаат.

Научните истражувања докажуваат дека мозокот го обработува емоционалното отфрлање од родителот во истите центри каде што ја обработува и физичката болка, што објаснува зошто овие лузни се толку длабоки.

4. Чести проблеми со менталното здравје

Понекогаш мајките што имаат нерешени лични проблеми, ниска самодоверба или силна потреба за контрола, го омаловажуваат сопственото дете за самите да се чувствуваат подобро. Ова е класичен облик на емоционална манипулација и проекција, каде што мајката несвесно ја префрла сопствената негативност врз детето. Најчеста последица од ова во зрелата возраст се анксиозноста и хроничниот стрес.

5. Огромен проблем да кажат „НЕ“

Доколку детето расте со мајка која постојано им угодува на другите по цена на сопствената среќа, тоа многу лесно го презема истиот тој модел на однесување.

Подоцна во животот таквите лица ги ставаат туѓите потреби пред сопствените само за да добијат прифаќање и да избегнат какви било конфликти. Имаат сериозен проблем со поставувањето здрави граници и чувствуваат огромна вина секогаш кога треба некого да одбијат.

6. Несигурност при носењето одлуки

Претерано заштитничкиот однос или строгата психолошка контрола од страна на мајката не му дозволуваат на детето да развие независност. Кога таквото дете ќе порасне, секое донесување одлука (од најобични секојдневни нешта до големи животни чекори) за него станува мачна и долготрајна битка, проследена со страв дека сигурно ќе згреши.

Како да се прекине овој круг?

Ако препознавате некои од овие симптоми кај себе, важно е да знаете дека не сте сами и дека процесот на заздравување е можен. Првиот чекор започнува тогаш кога ќе сфатите дека однесувањето на вашата мајка било одраз на нејзините лични капацитети, а не на вашата вредност како дете. Ослободувањето на овие емоционални кочници бара свесна работа на себе, грижа за сопствените потреби, самопочит и, доколку е потребно, разговор со стручно лице за да ги замените негативните верувања со целосно прифаќање на себеси.

Извор